गृहमन्त्री बादललाई राजीनामा गराउन प्रचण्ड मन्त्री क्वार्टर पुल्चोक पुगे – Naya Bikalpa
November 20, 2026, Friday      Epaper

गृहमन्त्री बादललाई राजीनामा गराउन प्रचण्ड मन्त्री क्वार्टर पुल्चोक पुगे


नयाँ विकल्प


काठमाडाैं-नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल ‘प्रचण्ड’ गृहमन्त्री रामबहादुर थापा ‘बादल’ लाई भेट्न मन्त्री क्वार्टर पुल्चोक पुगेका छन्।

हिजो भएको दुई अध्यक्षको छुट्टाछुट्टै भेलामा बादल सहभागी नभएपछि आज अध्यक्ष दाहाल उनलाई भेट्न बिहान मन्त्री क्वार्टर पुगेका हुन्। प्रधानमन्त्री केपी शर्मा ओलीले संसद विघटन गरेपछि दाहाल नेपाल समूहका सात मन्त्रीले सामूहिक राजीनामा दिए पनि बादलले राजीनामा दिएका छैनन्।

यसअघि बादलले आफूनिकट २४ सांसदलाई बोलाएर हिजो परामर्शसमेत गरेका थिए। अधिकांश सांसदले प्रधानमन्त्रीको कदम असंवैधानिक भनिरहेको बेला आफूनिकट सांसद पनि आफूसँग नभएपछि के गर्ने भन्ने अलमलमा बादल छन्। आज दुवै अध्यक्षले बेग्लाबेग्दै केन्द्रीय कमिटी बैठक बोलाएका छन्। बादल अहिलेसम्म के गर्ने निर्णयमा पुगेका छैनन्। आजको भेटमा प्रचण्डले हिजो भएका छलफलका निर्णयसमेत सुनाएका थिए।

भेटमा बादलले छिट्टै निर्णय लिने प्रचण्डले सुनाएका थिए।‍ यसअघि हिजो ढेड दर्जन केन्द्रीय सदस्यले पनि बादललाई राजीनामा दिएर आउन दबाब दिएका थिए। स्रोतका अनुसार बादल आज पनि बिहानैदेखि आफूनिकट नेताहरुसँग छलफलमा छन्। ‘हामी आज पनि छलफलमै छौं । हिजो केही साथीहरूसँग छलफल भयो। देशभरिका साथीहरूसँग छलफलपछि सामूहिक निर्णयमा जान्छौं।

अहिले नै हामी कुन बैठकमा जाने भन्ने निष्कर्षमा पुगिसकेका छैनौं,’ बादलले प्रचण्डसँग भनेका थिए। बादलले सोमबार प्रधानमन्त्री केपी शर्मा ओलीसँग पनि छलफल गरेको स्रोतले जानकारी दिएको छ। सोमबार बिहान आफूनिकट नेताहरूसँग छलफल गरेपछि उनले साँझसम्म आफूले धारणा सार्वजनिक गर्ने बताएका थिए। दिउँसो प्रधानमन्त्रीसँग छलफल गरेपछि उनले सोमबार साँझ कुनै निर्णय गरेनन्।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष ७, ११: ०१

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ पुष ७, ११: ०१

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष ७, ११: ०१

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...