
नयाँ बिकल्प,
काठमाडौं । प्रधानमन्त्री केपी शर्मा ओली नेतृत्वको सरकारको सिफारिसमा २ नंम्वर प्रदेश प्रमुखको शुक्रबार गरिएको बर्खास्ती र नयाँ नियुक्तिको नेपाली कांग्रेसले घोर विरोध र भत्सर्ना गरेको छ ।
शेरबहादुर देउवा नेतृत्वको सरकारले प्रक्रिया बमोजिम गरिएको प्रदेश प्रमुखहरुको नियुक्तिलाई बदर गरेर सरकारले स्वेच्छाचारी ढंगले नियुक्ति गरेको घटना प्रवृत्ति दोहो¥याएर सरकारले प्रदेश प्रमुखको गरिमा थप घटाउंदै जाने कर्म गरेको कांग्रेसले ठहर गरेको छ ।
पार्टी प्रवक्ता विश्वप्रकाश शर्माले निर्वाचन घोषणा भएको अवस्थामा दलिय विवाद निरुपण नगर्न निर्वाचन आयोगलाई आन्तरिक दबाब दिने सरकार बर्खास्त र नियुक्ति तर्फ लाग्नु नैतिक आचारको दृष्टिले समेत अत्यन्तै गलत र आपत्तिजनक भएको जनाएका छन् ।
संसद विघटनको असंवैधानिक कदमपछि काम चलाउ स्थितिमा पुगेको सरकारले यसरी बर्खास्त, नियुक्ति आदि काम गर्न विल्कुलै नमिल्ने भन्दै प्रवक्ता शर्माले स्वेच्छाचारी ढंगले गर्ने यस्ता कार्य अविलम्ब रोक्न सरकारलाई चेतावनी दिएका छन् ।
सरकारको सिफारिसमा शुक्रबार २ नम्वर प्रदेशका प्रदेश प्रमुख तिलक परियारलाई हटाएर रौतहटका राजेश अहिराज झालाई नियुक्त गरिएको थियो ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...