विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा – Naya Bikalpa
November 21, 2026, Saturday      Epaper

विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा

नयाँ बिकल्प,
काठमाडौं – नेपाली कांग्रेसका सभापति शेरबहादुर देउवाले प्रतिनिधिसभा विघटन गर्ने प्रधानमन्त्री केपी शर्मा ओलीको कदम बिरुद्ध सर्वोच्च अदालतमा परेको रिटमाथि अन्तरिम आदेश नआएकोले आफूले अदालतको आदेश पर्खनु पर्ने धारणा राखेको बताएका छन् ।

महेन्द्रनारायण निधिको ९९ औं जन्म जयन्तीको अवसरमा महेन्द्रनारायण निधि स्मृति प्रतिष्ठानले बुधबार राजधानीमा आयोजना गरेको ‘अहिंसा र शान्तिः आजको सन्दर्भ’ विषयक बिचार गोष्ठीलाई संवोधन गर्दै देउवाले यस्तो दाबी गरेका हुन् ।

नेपाली कांग्रेसले प्रधानमन्त्री केपी शर्मा ओलीले प्रतिनिधिसभा विघटन गरेर असंवैधानिक र अलोकतान्त्रिक कदम चालेको भनेर पार्टीको केन्द्रीय कार्यसमितिबाटै निर्णय भएको जनाउँदै विघटन बिरुद्ध अदालतमा मुद्धा परेपछि आफूले अदालतको आदेश पर्खनु पर्ने धारणा राखेको बताउ ।

‘ओलीको कदम उपयुक्त होइन भनेर पार्टीले आधिकारिक धारणा सार्वजनिक गरिसकेको छ’, तर कांग्रेस न्यायीक स्वतन्त्रताको पक्षपाती भएकाले अदालतको आदेश मान्ने भनेर बेलोको हो’ देउवाले भने ।
उनले सर्वोच्च अदालतको आदेशबाट प्रतिनिधिसभा पुनस्र्थापना भएसँगै मुलुकको संविधान जोगिएको भन्दै अब पार्टीको पदाधिकारीसँग छलफल गरी केन्द्रीय कार्यसमितिको बैठकमार्फत पार्टीले आफ्नो धारणा सार्वजनिक गर्ने बताए ।

देउवाले प्रतिनिधिसभा पुनस्र्थापनासँग विकसित घटनको बिषयमा नेकपाका पुुष्पकमल दाहाल प्रचण्ड र माधवकुमार नेपालसँग छलफल भएको भन्दै पार्टीको धारणा केन्द्रीय कार्यसमितिको बैठकबाटै वाहिर आउने बताए ।

कार्यक्रममा कांग्रेसका उपसभापति विमलेन्द्र निधि, केन्द्रीय सदस्य आनन्दप्रसाद ढुंगाना लगायतका नेताहरुको उपस्थिति थियो ।

देउवाले कांग्रेसले केही गर्दैन भनेर विरोध गरिरहेकाहरू अहिले कांग्रेसलाई खोज्न थालेको र कांग्रेसबाट केही आशा गर्नु राम्रो पक्ष भएको बताए।

‘मुलुकमा कांग्रेसले केही गरेन भनेर विरोध गर्नेहरूले नै अहिले कांग्रेसलाई खोजिरहेको छन्’ देउवाले भने मुलुकमा कांग्रेकाे आवस्यकता स्पष्ट हुँदै गएकाे छ ।

उनले भने ‘प्रतिनिधि सभामा कांग्रेसको ६३ सांसद छन्, संख्यामा याे कम भएपनि राष्ट्रिय राजनीतिमा काग्रेसकाे महत्व कति छ भन्ने देखिदै छ ।’

उनले नेकपाभित्र दुइटा समूह देखिएको तर पार्टी कानुनी रूपमा एक नै रहेको बताए। ‘उहाँहरूका बीचमा झगडा भयो। अहिले दुइटा समूह छ। पार्टी एकै छ। हामी कुनै पार्टी फुटोस् भन्ने चाहना पनि छैन,’ उनले भने।

सर्वोच्चले प्रतिनिधि सभा विघटनबारे अन्तरिम आदेश नदिएकोले आफूले पुनर्स्थापना र चुनाव दुबै जे भए पनि स्वीकार गर्छौं भनेको देउवाको भनाइ छ। ‘सर्वोच्चले स्टे अडर देला भनेको दिएन। त्यसपछि के होला के होला भन्ने लाग्यो मलाई। त्यही भएर मैले पुनर्स्थापना र चुनाव जे भए पनि स्वीकार गर्ने बताएको हुँ,’ देउवाले भने।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन १२, १६: ५८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन १२, १६: ५८

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन १२, १६: ५८

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...