
वीरगञ्ज महानगरपालिका नारायणी अञ्चलको पर्सा जिल्लामा पर्छ । श्री ३ वीर शमशेर जङ्गबहादुर राणाको प्रधानमन्त्रीत्वकालमा वि.सं. १९४२–१९५८ पर्सा जिल्लाको अलौ भन्ने स्थानबाट गहवा गाँउमा सदरमुकाम सारिएपछि गहवा गाँउलाई उनैको नाममा वीरगञ्ज नामाकरण गरिएको हो । त्यहाँ गहवामाई मन्दिर पनि रहेको छ ।
यसलाई नेपालको सबैभन्दा महत्वपूर्ण व्यापारिक तथा पारवहन नाका भनेर चिनिन्छ । यहाँबाट नेपालले भारतलगायत अन्य मुलुकहरूसम्म आयात निर्यातको काम गर्दछ । चितवन, काठमाडौँ तथा पोखराका लागि सामान पैठारी गर्नुका साथै देशको मुख्य औद्योगिक नगरी पनि हो ।
ठाकुरराम क्याम्पसका साथै केही अरू कलेज तथा विद्यालय, नारायणी अञ्चल अस्पताललगायत केही नर्सिङहोमसमेत रहेको वीरगञ्जमा अञ्चल र जिल्ला स्तरीय सरकारी कार्यलयहरू पनि छन् ।
यिनै ऐतिहासिक महत्वले भरिपूर्ण वीरगञ्ज महानगरपाकालिको समसायिमक विषयमा केन्द्रित रहेर नगर प्रमुख विजयकुमार सरावगीसँग कालिका महतले गरेको कुराकानीको सम्पादित अंशः
नगर प्रमुखको हैसियतले के गर्दै हुनुहुन्छ ?
हाम्रो काम दिनभरि योजना तर्जुमाहरुको अनुगममा विभिन्न वडामा जाने त्यहाँ भएका विकास निर्माणका कामको अनुगमन गर्ने हो ।
अहिले स्थानीय जनप्रतिनिधिहरुले जनताको पीरमर्का बुझ्नलाई घर–घरमै जानुपर्ने हुन्छ । त्यसैले पनि हामीहरु व्यस्त हुने गर्दछौं । यसरी जनताकै आवश्यकता परिपूर्तिको लागि व्यवस्त रहन्छौं ।
जनताको कामका लागि घरदैलोमै जानुहुन्छ ?
अरु सबैले यसै गर्दछन् भन्न सक्दिँन । म चाहीं जनताको घरदैलोमै पुगेर पीरमर्का बुझ्ने गर्छु । त्यसैले अहिले अन्यको तुलनामा कार्यव्यस्तता बढेको हो ।
तपाईं त कोरोनो कहरमा पनि पर्नुभयो, त्यसबेला आपूm र जनताको ज्यान जोगाउन कत्तिको समस्या भयो ?
कोरोना कहर पार गर्न त्यति सजिलो काम थिएन । त्यो सबैलाई थाहा भएकै कुरा हो । नयाँ रोग जसको उपचार पनि थिएन ।
वीरगन्ज कोरोनाको पहिलो इपी सेन्टरै भएको तपार्इंलाई थाहै छ । म लगायत मेरा परिवार र वीरगन्ज महानगरपालिकाका कर्मचारीसमेत संक्रमित भए ।
धेरै ठूलो संकटको सामना गर्नुप¥यो । त्यही पनि हामीले धैर्यतापूर्वक जनताको ज्यान जोगाउन क्वारेन्टाइन, आइसुलेसनलगायतको व्यवस्था मिलाइयो । क्वारेन्टाइनमा बस्नेलाई खाने व्यवस्थादेखि कोरोना अस्पतालसमेत सञ्चालन गरियो ।
त्यसमा आवश्यक चिकित्सक र कर्मचारीको व्यवस्था गरियो । यसरी आफैं संक्रमित हुँदाहुँदै पनि संयमित ढंगले काम गरेर कोरोना नियन्त्रण र व्यवस्थापन गर्न हामीहरु सफल भयौं ।
कोरोनाले वीरगन्जमा आतंकै थियो, आफैं संक्रमित हुँदा पनि नियन्त्रण र व्यवस्थापन गर्न कसरी सफल हुनुभयो ?
सबैभन्दा पहिला त हामीले जनचेतना फैलाउने कामहरु ग¥र्यौं । त्यसलाई व्यवस्थापन गर्न प्रशासनले पनि राम्रै सपोर्ट ग¥यो । त्यसपछि संक्रमित टोलहरुमा स्वास्थ्य क्याम्पको पनि व्यवस्था गरियो ।
त्यति हुँदाहुँदै यहाँ कोरोना फैलियो । जसको कारण जनताहरु आतंकित र भयभित पनि भएका हुन् । नयाँ रोग त्यसमा उपचार हुने कारणले पनि त्यस्तो भएको हो । तर, जनप्रतिनिधि, प्रशासन, चिकित्सक, सामाजिक संघसंस्था र सञ्चारमाध्यम सबैको सक्रिय सहभागिता रह्यो ।
यसरी सबैको साथ, सहयोग सक्रियतामा नियन्त्रण र व्यवस्थापन गर्न सफल भएका हौं ।
कोरोना रोकथाम गर्न केन्द्र र प्रदेश सरकारबाट कत्तिको सहयोग पाउनुभयो ?
कोरोना नियन्त्रण र व्यवस्थापन गर्न जुन खालको सामना वीरगन्ज नगरपालिकाले गर्नुप¥यो । केन्द्र र प्रदेश सरकारले गर्नुपर्ने काममा हामीले हात हाल्नुप¥यो ।
प्रदेशबाट पनि केही सपोर्ट त पाएको हो । तर जसरी गर्नुपर्ने हो त्यो भएन । त्यसको लागि वीरगन्ज महानगरपालिका नै लागिपरेर नियन्त्रण ग¥योे ।
चुनावका बेला बाँडिएका आश्वासन अनुसार काम भएन भन्ने गुनोसा छन् नि ?
भनेअनुसारका सबै काम गर्न सकेँ भनेर त भन्न सक्दिँन । कोभिडको कारणले पनि भनेअनुसारको काम गर्न सकिएन ।
विकास निर्माणका कामहरु रोकेर पनि कोभिड नियन्त्रणा बजेट खर्च गरियो । कोभिडको बाबजुद पनि हामीले विकास निर्माणका कामलाई निरन्तरता दियौं । कोभिडले झन्डै एक वर्ष वाधा पु¥यो । त्यसपछि बाँकी रहेका काम सम्पन्न गर्न लागिपरेका छौं ।
अहिले स्थानीय सरकार भ्रष्टाचारमा चुर्लुम्म डुबेको आरोप छनि के भन्नुहुन्छ ?
वीरगन्ज महानगरपाकिलाकामा त्यस्तो खालको समस्या छैन । हरेक वडामा बजुट छुट्ट्याउँदा पारदर्शी ढंगले छुट्ट्याइदिन्छौं ।
यसरी विनियोजन बजेट वडा अध्यक्षको नेतृत्वमा समिति बनाएर गरिन्छ । मेरो महानगरपालिकामा वडा अध्यक्ष आफैं ठेकेदार भएर, आफैले डोजर किनेर भ्रष्टाचार गरेको पनि पाइएको छैन ।
जुनसुकै काम गर्दा पनि नेपाल सरकारले व्यवस्था गरेका कानुन अनुसार सम्पन्न गर्ने गरेका छौं । म जुन पार्टीबाट चुनाव जितेको भएपनि सम्पूर्ण जनताको मेयर भएर साझा रुपमा काम गरेको छु । आफ्ना कार्यकर्ता, पार्टी नहेरी सम्पूर्ण जनताको हितमा काम गर्दै आएको छु ।
तपाईंले त्यसो भनिरहँदा स्थानीयतह भ्रष्टाचारको अखडा भयो भन्ने चौतर्फी जनगुनासो छ नि ?
हामीहरुलाई खासै त्यस्तो आरोप लागिहालेको चाहीं छैन । हामीमाथि नगरपरिषद्, महालेखा परीक्षक, फोकल पर्सन् र उपभोक्ता समितिहरु हुन्छन् । यसरी नियन्त्रिण र निगरानीका लागि थुप्रै निकायहरु हुन्छन् ।
जसले हाम्रो क्रियाकलापलाई हेरिराखेका हुन्छन् । मेयरले मात्रै चाहेर पनि सबैतिर राम्रो हुने होइन । सकेसम्म निष्पक्ष ढंगले काम गर्ने प्रयत्न गर्ने हो । यदि कुनै ठाउँमा त्यस्तो समस्या छ भने हामीसँग राख्न पाउनुहुन्छ ।
धेरैको विचार, चाहना र अपेक्षालाई सम्बोधन गर्नुपर्ने भएकाले सय प्रतिशत ठीक छ त म भन्न सक्दिँन । धेरै जनप्रतिनिधि र निकायले काम गर्नुपर्ने भएकाले एकजनाको गल्तीले सिंगो महानगरपालिकालाई दोषी दिन मिल्दैन ।
यदि कसैबाट कमीकमजोरी भएको पाइएमा उचित कारबाही गरिन्छ । त्यसैले केही व्यक्तिको आलोचना र खुट्टा तान्ने प्रवृत्तिले सिंगो महानगरपालिका र कार्यरत कर्मचारी असफल छन् भन्न मिल्दैन ।
त्यसोभए तपाईं राम्रो काम गरेको छु भन्नेमा विश्वस्त हुनुहुन्छ ?
मेरो बलबुताले भ्याएसम्म दिलोज्यान दिएर जनताको काम गरेको छु । उपलब्ध साधन, स्रोतअनुसार सकेसम्म साझा रुपमा काम गर्ने प्रयास गरेको छु । अब केही व्यक्तिहरुको राजनीति प्रतिसोधमा खुट्टा तान्ने प्रवृत्ति हुन्छ ।
त्यस्ताबाट थोरबहुत विरोध, आलोचना हुनसक्छ । धेरै सिद्धान्त, विचार समूह भएको ठाउँमा सबैलाई खुसी राख्न त सकिँदैन । कुनै पनि काम गर्दै विभिन्न ठाउँबाट विरोध र अनुगमन र अनुसन्धान भइराखेको हुन्छ, हुनुपनि पर्छ ।
राम्रो कामको लागि गरिएको रचनात्मक विरोधको स्वागत पनि गर्छौं । खुट्टा तान्ने प्रवृत्तिले प्रतिशोष साँधेर विरोधका लागि विरोध मात्रै गरिएको छ भने प्रतिवाद पनि गर्छौं । तर, राम्रो कामको लागि गरिने रचनात्मक खबरदारीको हामी सधैं स्वागत गर्दछौं ।
तपाईं सम्पूर्ण वीरगञ्जवासीको साझा नगरप्रमुख हो ?
मैले यहाँको साधन, स्रोतले भ्याएसम्म सबैलाई साझा रुपले हेरेर काम गरेको छु । हामीले जुनसुकै निर्णय गर्दा पनि एकलौटी गरेका छैनौं । चाहे त्यो कार्यपालिका होस्, चाहे नगरसभाहरु होस् अथवा विभिन्न बैठकहरुमा सम्पूर्ण निर्णयहरु साझा सहमतिमा गर्दछौं ।
सहमतिबाट भएको निर्णयमा विवाद आउँदैन भनेर त्यसलाई अंगिकार गरेका हौं । वीरगन्ज महानरपालिकामा जेजतिले नेतृत्व गरेका छौं । सबैले मिलाएरै साझा सहमतिबाट काम अगाडि बढाएका छौं । अहिलेसम्म जुनसुकै काम पनि सबै जनप्रतिनिधिहरुको सहमतिबाटै गरिएको छ ।
तपाईले साझा नेतृत्वको विकास गर्नुभएको छ ?
जुन काम गर्दा पनि हामी सर्वसम्मत रुपमा अगाडि बढ्छौं । दीर्घकालीन काम गर्नुछ भने सर्वसम्मतको निर्णय नै उपयुक्त हुन्छ । बहुमतको आधारमा अरुलाई मिचेर काम गर्न थालियो भने अजयको हविगत हुन्छ ।
दलित, अल्पसंख्यक र उत्पीडितको लागि कस्तो खालको प्याकेज कार्यक्रमको व्यवस्था गर्नुभएको छ ?
दलित, अल्पसंख्यक र उत्पीडितको लागि बजेटै छुट्ट्याएर विभिन्न कार्यक्रमहरु ल्याउँछौं । जस्तो ती वर्गका गर्भवती महिला, बालबालिकाको लागि भयो ।
कतिपय ठाउँहरुमा हामीले आवासको पनि व्यवस्था गरेका छौं । पीछडा वर्गको लागि पशुपालनको व्यवस्था गरेका छौं । त्यसकारण विभिन्न आर्थिक, सामाजिक, शैक्षिक र स्वास्थ्यका क्षेत्रमा पनि कामहरु गरेका छौं ।
सगम ठाउँ हुँदाहुँदै पनि मधेशमा यी विषय ओझेलमा छन् । त्यसलाई मध्यनजर गरी हामी ती वर्गको लागि विशेष कार्यक्रम ल्याउने सोच बनाएका छौं ।
तपाईंहरुको कामले जनतामा कत्तिको सन्तुष्ट पाउनु भएको छ ?
सुरुमा त हामीलाई नियम, कानुन बनाउँदैमा समय बित्यो । कर्मचारी आपूर्ति, स्रोतको व्यवस्थापनमा पनि त्यत्तिकै समय गुज्रियो । अहिले आएर ती समस्याहरु टुंगिएका छन् । १८ वर्षसम्म जुन खालको अवस्था थियो ।
जसरी उहाँहरुले चलाउनुभएको थियो । जनताहरु पनि पीडित भए । हामीहरु आइसकेपछि जनअपेक्षा बढ्नु स्वाभाविक हो ।
त्यो अपेक्षा अनुसार काम नहुँदा असन्तुष्टि हुने स्वभाविक हो । जनताको अपेक्षा अनुसार हामीहरु काम गर्न लागिपरेका छौं । अब चाहीं जनचाहना अनुसार काम गर्ने वातावरणलाई ट्र्याकमा ल्याइसकेका छौं ।
मेरो कार्यकालमा कमसेकम वीरगन्ज महानगरपालिकाभित्र बाटो चाहीं बनिहाल्छ । फेरि बाटो भन्नाले व्यक्तिगत होइन गाउँ टोललाई शहरसँग जोड्ने बाटाहरु सम्पन्न हुने छन् ।
जसले गर्दा आउने दिनका मेयर, जनप्रतिनिधिहरुलाई काम गर्न सजिलो हुन्छ । सबै वडामा भौतिक रुपले साधन, स्रोत जुटाउने र कर्मचारी व्यवस्थापनका काम भइसकेका छन् ।
आवश्यक साधन, स्रोतहरु जुटाउको काम भइसकेकाले आगामी दिनमा वीरगन्ज महानगरपालिकालाई अझ बढी व्यवस्थित र परिस्कृत ढंगले अगाडि बढाउन सक्छौं ।
हिजो तपाईंलाई साथ, सहयोग दिएर विजयकुमार सरावगी भनेर हिंड्ने जनताले के भन्न चाहनुहुन्छ ?
यहाँका जनता मसँग ठूलो इच्छा र अपेक्षा गरेका छन् । त्यो अनुसार हामीले पनि सबै काम गर्न नसकेको हुन सक्छ । हामीले चुनावका बेला धेरै कुराहरु बोलेका छौं । प्रतिवद्धता अनुसार हामीले काम गर्न खोजेको पनि हो ।
स्थानीय सरकारको पहिलो संरचना भयो । त्यसपनि नयाँ खाले रोगको चपेटाले झन्डै एक वर्ष अलमलमा पा¥यो । त्यसपछि राष्ट्रिय राजनीति धरापमा प¥यो । यी र यस्तै खाले वाधा व्यवधानले गर्न खोजिएका धेरै कामहरु अलमलमा परे ।
हिजो हामी धेरै काम गर्ने वाचा गरेका छौं । जनताले ममाथि धेरै आशा, भरोसा र विश्वास गरेका छन् । जनतालाई पनि थाहा वीरगन्ज बनाउने काम मेयरले मात्रै होइन ।
त्यसमा केन्द्रदेखि प्रदेश सरकारको पनि साथसहयोग चाहिन्छ । आगामी दिनमा अझ परिष्कृत, परिमार्जित र वैज्ञानिक ढंगले काम गरेर अगाडि बढ्ने प्रतिवद्धता गर्दछु ।
Gransino puts live dealer tables next to a catalogue of 9,000 games and a sportsbook, so you can move between...
Wondering what to sort out before you put money in? BetBlast is an online casino and sportsbook run by EOD...
गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...