‘सेना र प्रहरीका श्रीमतीको नाममा खोलिएका संस्था दासीहरुको जस्तै’ – Naya Bikalpa
November 21, 2026, Saturday      Epaper

‘सेना र प्रहरीका श्रीमतीको नाममा खोलिएका संस्था दासीहरुको जस्तै’


नयाँ बिकल्प,

काठमाडौं । नेपाल कम्युनिस्ट पार्टी (नेकपा) प्रचण्ड–माधव समूहको स्थायी कमिटी सदस्य पम्फा भुसालले नेपाली सेना, सशस्त्र प्रहरी र नेपाल प्रहरीमा रहेको श्रीमती संघहरु दासीहरुको संगठन जस्तै भएको आरोप लगाएकी छन् ।

अन्तराष्ट्रिय महिला दिवसको अवसरमा सोमबार राजधानीमा अयोजित एक कार्यक्रमा नेतृ भुसालले निजामती कर्मचारीतर्फ मुख्यसचिव, सशस्त्र प्रहरी र नेपाल प्रहरीको आइजीपी बन्ने हैसियत भएका महिलालाई दासी बनाउनका लागि श्रीमती संघ खोलेको आरोप लगाएकी हुन् ।

‘यस्ता संघसंस्थाबाट महिलाको अधिकार प्राप्त हुन सक्दैन । श्रीमती संघहरुले महारानीको खोल ओढेर दासी बनाउने संस्कार सुरु गरेका छन् । त्यसको अन्त्य हुनुपर्छ’, सांसद भुषालले भनिन्, ‘प्रधानमन्त्रीको श्रीमतीलाई प्रथम महिला (फस्र्ट लेडी) भन्नु गणतन्त्रको उपहास हो ।’

देशको प्रमुख अहिले विद्यादेवी भण्डारी नै अहिले प्रथम महिला (फस्र्ट लेडी) भए पनि प्रधानमन्त्री केपी शर्मा अ‍ोलीले आफ्नी श्रीमतीलाई प्रथम महिलाको रुपमा उभ्याउने गरेको भन्दै भुषालले असन्तुष्टि व्यक्त गरिन् ।

राजा महाराजाको पालमा जस्तै संस्कार अहिले गणतन्त्रमा पनि हुनु गलत भएको बताईन । विभिन्न आन्दोलनबाट प्राप्त महिलाको अधिकारलाई सुनिश्चित गर्न माग गर्दै उनले राज्यका हरेक क्षेत्रमा ३३ प्रतिशत महिलाको सहभागिता सुनिश्चित हुनुपर्नेमा जोड दिइन् ।

मुलुक संघीय लोकतान्त्रिक गणतन्त्रमा प्रवेश गरेपछि समावेशीता कार्यान्वयन अझै नभएको भन्दै नेतृ भुषालले राष्ट्रप्रमुखदेखि न्यायपालिकासम्म महिला प्रमुख भएको अवस्थामा अन्य क्षेत्रमा त्यो नभएको दाबी गरिन् ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ फाल्गुन २४, १५: १३

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ फाल्गुन २४, १५: १३

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ फाल्गुन २४, १५: १३

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...