एमालेका ‘एक्ला सर्वशक्तिमान ’ ओली !

नयाँ विकल्प

काठमाडाैं- अस्वभाविक रूपमा पुर्नस्थापना भएको एमालेका एक्ला अध्यक्ष बनेका केपी शर्मा ओली एक्ला सर्वशक्तिमान अध्यक्ष बनेका छन् ।

गत शनिवार ओलीको अध्यक्षतामा बसेको संसदीय दलको बैठकले एमालेको विधान नै संशोधन गरेर प्रधानमन्त्री समेत रहेका ओलीलाई असिमित अधिकार प्रत्यायोजन गर्ने गरि विधाननै संशोधन गर्याे ।

एकिकृत नेकपा अध्यक्ष रहेका ओली विस्तारै एक्लिदै एमाले संस्थापन गुटभित्र असिमित अधिकार सहित शक्तिशाली बन्ने प्रयास गरेका छन् । अधिनायकवाद, स्वेच्छाचारी, दम्भी निरंकुशजस्ता आरोप खेपी रहेका ओलीलाई नेकपाको संस्थापन पक्षले दिएको असिमित अधिकारले उनी भोलीका दिनमा अझै निरंकुश शैलीमा अघि बढ्ने आशंका आम रूपमा गरिएको छ ।

चैत ७ गते बसेको ओलीपक्षीय केन्द्रीय समितिको बैठकले संशोधित विधान अनुमोदन समेत गरेको छ । उक्त विधानअनुसार अव नेकपा एमाले ओली समूहको सचिवालयको व्यवस्थापन महासचिवको नेतृत्वमा रहने छ । यसैगरी आगामी वैशाख ९ गते (अप्रिल २२) मदननगर बल्खुमा रहेको पार्टी कार्यालयको शिलान्यास गर्ने पनि निर्णय गरेको हो । यसैगरी, स्थायी कमिटी पुनःगठनका लागि अध्यक्ष र महासचिवले प्रस्ताव गर्ने निर्णय गरिएको छ ।

पार्टीको कार्य विभाजन गर्न संगठन विभाग प्रमुख विष्णु पौडेल, शंकर पोख्रेल र टोप बहादुर रायमाझीलाई १० दिनभित्र प्रस्ताव गर्न भनिएको छ । प्रदेश कमिटीको कमिटी बनाउँदा प्रदेशका इन्चार्ज÷सह–इन्चार्ज संयोजक र सह–संयोजकको सिफारिसमा केन्द्रीय कमिटीले निर्णय गर्नेछ ।

जुन संगठनको हकमा टोपबहादुर रायमाझीले सम्बन्धित जुन संगठनको इन्चार्ज, सह–इन्चार्ज, अध्यक्ष, सह अध्यक्ष, महासचिव पदाधिकारीसँग सल्लाह गरेर सम्मेलन आयोजक समिति बनाउने निर्णय गरिएको छ । त्यस्तै, प्रवास क्षेत्रको कमिटीको व्यवस्था गर्न बिन्दा पाण्डेले सम्बन्धित इन्चार्ज÷सहइन्चार्ज, संयोजक÷सह–संयोजकसँग सल्लाह व्यवस्थापन गर्न भनिएको छ ।

माधव नेपाल, भीम रावल लगायतलाई स्पष्टीकरण सोध्ने तयारी संस्थापन पक्षको छ । माधव नेपाल, भीम रावल, सुरेन्द्र पाण्डे, घनश्याम भुसाल, राम कुमारी झाँक्रीलाई पार्टी हितविरूद्ध काम गरेको नेतृत्व र पार्टीलाई खुइल्याउन र सरकारको बदनाम गराउ गुटगत भेला गरेकोले स्पष्टीकरण सोध्ने निर्णय गरेको छ ।

समानुपातिक सांसदहरूको बन्द सूचीमा रहेको नाम हटाउने÷राख्ने अधिकार अध्यक्ष रहने गरि पार्टीको विधान संशोधनको तयारी ओली पक्षले गरेको छ । त्यस्तै, संघीय तथा प्रदेश सभाका समानुपातिक सांसदहरूको बन्द सूचीमा रहेको नाम हटाउने राख्ने या हेरफेर गर्ने अधिकार पनि पार्टी अध्यक्षलाई प्रत्यायोजन गर्ने निर्णय गरिएको छ । यसैगरी, पार्टी केन्द्रीय कमिटी तथा मातहत कमिटीको सदस्यहरूको विदाइ, मनोनयन तथा कारबाही गर्ने अधिकार प्रत्यायोजन गरिएको छ ।

यस्तै बैठकले अदालत, निर्वाचन आयोग र अन्य आधिकारिक निकाय पार्टीको तर्फबाट गर्ने सबै काम पार्टी अध्यक्षलाई अख्तियारी दिने निर्णय गरेको छ । २०७८ मंसिर २ देखि ६ सम्म हुने १०औं राष्ट्रिय महाधिवेशनको सन्दर्भमा विद्यमान हाल २ सय ६४ सदस्यीय कमिटी स्वतः आयोजक कमिटी बनाउने निर्णय गरिएको छ । अध्यक्ष र महासचिव आयोजक कमिटीको अध्यक्ष र महासचिव हुनेछ भने अन्य पदाधिकारी नहुने निर्णय गरिएको छ ।

ओलीले केन्द्रीय कमिटीको बैठकमा आफूइतरका चार जना नेतालाई स्पष्टिकरण सोध्ने निर्णय गराएका छन् । माधव नेपाल र झलनाथ खनाल समूहका नेपालसहित उपाध्यक्ष भिम रावल, उपमहासचिव घनश्याम भुसाल, स्थायी समिति सदस्य सुरेन्द्र पाण्डेलाई स्पष्टीकरण सोध्ने निर्णय केन्द्रीय कमिटीले गरेको छ ।

तर उक्त समूहका खनाललाई भने स्पष्टिकरण सोधिएन । पार्टीको पूर्वअध्यक्ष र वरिष्ठ नेता भएकाले खनालका गतिविधिलाई ध्यान त दिइएको छ तर नेपालसहितका अन्यले जस्तो उनले समूह बनाएरै समानान्तर भेला नगरेको र विभिन्न भेलामा उपस्थिति मात्र जनाएकाले हाल स्पष्टिकरण नसोधिएको बताइएको छ ।

ओलीले उक्त भेलामा गएका अन्य सदस्य र एमाले कार्यकर्तालाई बहकाउमा लगाउनका लागि नेपाल, रावल, भुसाल र पाण्डेको भूमिका प्रमुख रहेकाले पहिलो चरणमा स्पष्टिकरण सोध्ने निर्णय गराएका हुन् । ओलीविरुद्ध कडा आलोचना गर्ने नेत्री रामकुमारी झाँक्रीलाई पनि स्पष्टिकरण सोध्ने निर्णय गरिएको छैन ।

‘केन्द्रीय कमिटीका अन्य सदस्यलाई पनि सोधिएको छैन, प्रमुख भनिने र पदाधिकारीलाई मात्र सोध्ने निर्णय भएको हो । त्यसैले झाँक्रीलाई नसोधिएको हो । नेकपा एमालेका अध्यक्ष केपी शर्मा ओली समूहको शनिबार बालुवाटारमा बसेको केन्द्रीय कमिटी बैठकले चार नेतालाई स्पष्टीकरण सोध्ने निर्णय गरेको छ । पार्टी हितविरुद्ध काम गरेको, नेतृत्व र पार्टीलाई खुइल्याउन र सरकारको बदनाम गराउन गुटगत भेला गरेको भन्दै नेता माधवकुमार नेपाल, भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने निर्णय गरिएको हो ।

वालुवाटारमा बसेको बैठकमा सहभागी एक नेताले रामकुमारी झाक्रीको नाम छुट्यो नि भन्ने प्रश्न गरेपछि अध्यक्ष ओलीले वेट नै नभएकासँग के को स्पष्टिकरण भनि जवाफ दिएका थिए । बैठकले सुरूमा नेता माधवकुमार नेपालसहित पाँच नेतालाई स्पष्टीकरण सोध्ने निर्णय गरेपनि अन्तिममा वेट नपुगेको भन्दै झाक्रीलाई कारबाही गर्ने विषयमा नाम हटाइएको हो ।

बैठकले नेता नेपालसहित भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने भएको छ । बैठकलाई सम्बोधन गर्दै ओलीले सच्चिएर आत्मालोचना गरेर आएमात्र सोच्न सकिने भन्दै नत्र कारवाहीको प्रक्रिया अघि बढाइने प्रष्ट पारे ।