माधव पक्षका तीन दर्जन नेतामाथी ओलीले चलाए कारवाहीकाे डण्डा, सांसदबाट हटाउने तयारी – Naya Bikalpa
November 21, 2026, Saturday      Epaper

माधव पक्षका तीन दर्जन नेतामाथी ओलीले चलाए कारवाहीकाे डण्डा, सांसदबाट हटाउने तयारी


नयाँ विकल्प,


काठमाडाैं- नेकपा एमालेले २७ जना संघीय सांसदसहित ३२ जना नेतालाई स्पष्टीकरण सोध्ने भएको छ । पार्टी अनुशासन उल्लंघन गरेको आरोपमा उनीहरुलाई स्पष्टीकरण सोध्न लागिएको हो ।

यसअघि पार्टीका वरिष्ठ नेता माधव कुमार नेपाल, भिम रावल, घनश्याम भुसाल सुरेन्द्र पाण्डेले कारवाही भाेगिसकेका छन् । स्पष्टीकरण सोधिएका सबै नेता पार्टीका वरिष्ठ नेता माधवकुमार नेपाल पक्षका हुन् ।

संघीय सांसदबाहेक स्पष्टीकरण सोधिएका अन्यमा कर्णालीका नेता छन् । हालै कर्णाली प्रदेशका मुख्यमन्त्री महेन्द्रबहादुर शाहीले संसदमा विश्वासको मत लिने क्रममा नेपाल पक्षका सांसदले ‘फ्लोर क्रस’ गर्दै शाहीलाई मतदान गरेका थिए, जसका कारण शाही नेतृत्वको सरकारको संकट टरेको थियो ।

उक्त घटनापछि आक्रोशित पार्टी अध्यक्ष तथा प्रधानमनत्री केपी शर्मा ओलीले कारबाही प्रक्रिया अगाडि बढाएका हुन् । उनीहरुलाई आजै स्पष्टीकरण पत्र पठाइनेछ भने चित्तबुझ्दो जवाफ नआए सांसद पदबाट नै हटाउने तयारी गरिएको छ ।

ओली पक्षले फ्लोर क्रसलाई अक्षम्य अपराध भएको जनाउँदै आएको छ । यसअघि पार्टी अध्यक्ष ओलीले नेपालसहित चार नेतालाई पनि ६ महिनाका लागि पार्टी सदस्यबाट नै निलम्बन गरेका थिए ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख ७, १३: ०८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख ७, १३: ०८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख ७, १३: ०८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...