कांग्रेस १४ औं महाधिवेशनः गैरनागरिकलाई धमाधम क्रियाशील सदस्यता वितरण गरिदै – Naya Bikalpa
November 21, 2026, Saturday      Epaper

कांग्रेस १४ औं महाधिवेशनः गैरनागरिकलाई धमाधम क्रियाशील सदस्यता वितरण गरिदै


नयाँ विकल्प,


काठमाडाैं- कांग्रेस १४ औं महाधिवेशनकाे पूर्वसन्ध्यामा पार्टी कब्जा गर्ने उदेश्यले विदेशमा रहेका गैरनागरिकलाई धमाधम क्रियाशील सदस्यता वितरण गरिएकाे भन्दै विराेध सुरू भएकाे छ ।

नेपाली जनसम्पर्क समिति अमेरिका, अस्ट्रेलिया, बेल्जियम लगायतका देशहरूमा नेपाली नागरिकता त्यागेर विदेशी बनिसकेकाहरूलाई धमाधम क्रियाशिल सदस्यता दिन थालपछि विराेध सुरू भएकाे हाे ।

राेजगारी, अध्यायन र विभिन्न व्यावसाय गरी मुलुक बाहिर रहेका पार्टी प्रति आवद्व रहेकाहरूलाई एकतावद्व बनाउने उदेश्यले कांग्रेसले विदेश विभाग अन्तर्गत नेपाली जनसम्पर्क समितिकाे स्थापना गरेकाे हाे । विदेशमा रहेका यस्ता भातृसंस्थाले पार्टीमा विभिन्न प्रकारले याेगदान गर्दै आएका छन् ।

पार्टीभित्र माैलाएकाे गुटबन्दिकाे सिकार पछिल्लाे पटक तिनै जनसम्पर्क समितिहरू बनेका छन् । निर्वाचनकाे माध्यमबाट विधिवत रूपमा गठन भएका कतिपय जनसम्पर्क समितिलाई पाखा लगाउँदै मनाेमानी रूपमा समानान्तर समिति गठन गर्ने, सदस्यता वितरण गर्ने काम भैरहेकाे भन्दे असन्तुष्टि बढदै गएकाे छ ।

नेपाली कांग्रेसकाे वर्तमान संस्थापन पक्षले १४ औं माहाधिवेशन आफु अनुकुल बनाउँन गैरनेपालीलाई धमाधम क्रियाशील सदस्यता वितरण गरेकाे भन्दै विराेध भएकाे छ । नेतृत्व पूर्वाग्राहिपूर्ण निर्णयका कारण कतिपय देशहरूमा वर्षौंदेखि रहेको समस्या झन्झन् जटिल बन्दै गएकाे छ।

नेपालकाे संविधान तथा नेपाली कांग्रेस पार्टीको विधान अनुसार नेपाली नागरिकता नभएकाे व्यक्ति पार्टीकाे सदस्य समेम बन्न मिल्दैन । नेपाली कांग्रसकाे नेतृत्वमा रहेकाे सरकारले जारी गरेकाे संविधान र पार्टीकाे विधान विपरित विदेशी नागरिकता लिएका ( पूर्व नेपालीलाई ) नेपाली कांग्रेसको क्रियाशील सदस्यता वितरण गर्दा कानुनी प्रश्न समेत उठने निश्चित छ ।


१४ औं महाधिवेशन पार्टीको महाधिवेशनलाई प्रभाव पार्न यस्ताे गैरकानुनी क्रियाकलाप स्वयं संस्थापन पक्षबाट हुनुले आगामी महाधिवेशन स्वच्छ र पार्दर्शी नहुने हाे कि भन्ने चिन्ता समेत आम कार्यकर्ताले गरिरहेका छन् ।

यस्ताे गैरकानुनी क्रियाकलाप राेक्ने विदेशमा रहेका जनसम्पर्क समितिहरू समेत एकतावद्व हुन थालेका छन् । नेपाली मुलका विदेशी नागरिकता धारी नेपालीहरूलाई नेपाली कांग्रेसले पार्टि क्रियाशील सदस्यता नेपालको संविधान र पार्टिको विधान विपरीत रहेकाे भन्दै विराेध भएकाे हाे ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख ९, १२: ५०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख ९, १२: ५०

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख ९, १२: ५०

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...