पछिल्लाे हप्ता लगातार घटेकाे नेप्से बिहीबार झण्डै १६ अंक बढेर बन्द भयो – Naya Bikalpa
November 21, 2026, Saturday      Epaper

पछिल्लाे हप्ता लगातार घटेकाे नेप्से बिहीबार झण्डै १६ अंक बढेर बन्द भयो


नयाँ विकल्प,


काठमाडाैं- साताको अन्तिम कारोबार दिन नेप्से परिसूचक करिब १६ अंक बढेर बन्द भएको छ।

पछिल्लो ४ कारोबार दिनमा नेप्से परिसूचक १०३ अंक घटिसकेको छ। उच्च अंकको गिरावटपछि यस दिन बजार सामान्य अंकले बढेको हो। यस दिन नेप्से परिसूचक १५.८० अंक बढेर २६४८.०१ विन्दुमा पुगेको छ।

त्यसैगरी, यस दिन सेन्सेटिभ इण्डेक्स ३.२१ अंक, फ्लोट इण्डेक्स १.१ अंक र सेन्सेटिभ फ्लोट इण्डेक्स ०.८६ अंक बढेको छ। नेप्सेसँगै यस दिन कारोबार रकममा पनि केही सुधार भएको छ।

यस दिन २१४ कम्पनीको ७५ हजार १०८ पटकको कारोबारमा ५ अर्ब ९१ करोड ५१ लाख ३९ हजार रुपैयाँ बराबरको १ करोड ३० लाख ३२ हजार कित्ता शेयर खरिदबिक्री भएको छ।

यस दिन ६ कम्पनीको शेयर सकारात्मक सर्किट लेभलमा कारोबार भएको छ। यस दिन विशाल बजार कम्पनी, सिन्धु विकास बैंक, महिला लघुवित्त, ग्रीन डेभलपमेन्ट बैंक, ज्योति लाइफ इन्स्योरेन्स र नेपाल क्रेडिट एण्ड कमर्स बैंकको शेयर सकारात्मक सर्किट लेभलमा कारोबार भएको हो। यस दिन हिमालयन उर्जाको शेयरमूल्य सर्वाधिक ३.४४ प्रतिशत घटेको छ।

त्यसैगरी, पञ्चकन्या माइ हाइड्रोपावर, मञ्जुश्री फाइनान्स, हिमाल दोलखा, चन्द्रागिरी हिल्स, नेपाल हाइड्रो डेभलोपर्स, रिडी हाइड्रोपावरको शेयरमूल्य २ प्रतिशतभन्दा बढी घटेको छ। कारोबार रकमका आधारमा यस दिन नेपाल क्रेडिट एण्ड कमर्श बैंक शीर्ष स्थानमा रहेको छ।

सो बैंकको यस दिन ६२ करोड २७ लाख रुपैयाँभन्दा बढीको शेयर खरिदबिक्री भएको छ। त्यसैगरी, यस दिन नेपाल इन्फ्रास्ट्रक्चर बैंक र एनआईसी एशिया लघुवित्तको २० करोडभन्दा बढीको शेयर कारोबार भएको छ।

बिहीबार कारोबारमा आएका १३ उपसमूहमध्ये ११ उपसमूहको परिसूचक बढेको छ भने बाँकी दुई उपसमूहको परिसूचक घटेको छ। यस दिन विकास बैंक, अन्य र लघुवित्त उपसमूहको परिसूचक १ प्रतिशतभन्दा बढी बढेको छ। होटल तथा पर्यटन उपसमूहको परिसूचक भने यस दिन १.४५ प्रतिशत घटेको छ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ बैशाख ९, १५: ४८

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ बैशाख ९, १५: ४८

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ बैशाख ९, १५: ४८

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...