माओबादीका मुख्यमन्त्री जोगाउन फ्लोर क्रस गर्दा पदमुक्त एमालेका ४ सांसद पुनर्वाहली – Naya Bikalpa
November 21, 2026, Saturday      Epaper

माओबादीका मुख्यमन्त्री जोगाउन फ्लोर क्रस गर्दा पदमुक्त एमालेका ४ सांसद पुनर्वाहली


नयाँ बिकल्प,

काठमाडौं । नेकपा माओबादी केन्द्रको कर्णाली प्रदेश संसदीय दलका नेता समेत रहेका प्रदेश मुख्यमन्त्री महेन्द्रबहादुर शाहीको पक्षमा मत हाल्दा एमाले संसदीय दलको सिफारिसमा कारबाहीमा परेका ४ प्रदेश सांसद पुनर्वाहली भएका छन्।

सर्वोेच्च अदालतले कर्णाली प्रदेश सभाका चार सदस्यहरुलाई पुनर्बहाली गर्न आदेश दिएपछि पोलिटव्युरो सदस्य प्रकाश ज्वालासहति ४ सांसदको पद पुनर्वाहली भएको हो।

सर्वोच्च अदालतका न्यायाधीश प्रकाशमान सिंह राउतको एकल इजलासले बिहीबार प्रदेश सांसदहरु ज्वाला, नन्दसिंह बुढा, अमरबहादुर थापा र कुर्मराज शाहीलाई निष्कासन गर्ने एमाले केन्द्रीय कमिटी र संसदीय दलको निर्णयको बिरुद्ध अन्तरिम आदेश दिएको हो।

प्रदेशसभा सचिवालयले गरेको निर्णय कार्यान्वयन नगर्न अन्तरिम आदेश दिएको हो। फ्लोर क्रस गरी मुख्यमन्त्री महेन्द्रबहादुरा शाहीलाई मत दिएपछि पाटीले उनीहरूलाई पार्टीबाट निष्कासित गरी प्रदेश सभा सदस्यबाट समेत हटाउन सिफारिस गरेपछि पदमुक्त भएका थिए।

चारै प्रदेश सांसद एमालेको माधव नेपाल समूहका हुन्। बैशाख ३ गते कर्णाली प्रदेशका मुख्यमन्त्री शाही नेतृत्वको सरकारलाई पाटी संसदीय दलको ह्वीप उल्लंघन गरी विश्वासको मत दिएका थिए। कर्णाली प्रदेशका एमाले सांसदलाई कारबाही गरेपछि एमालेको ओली समूह उत्साहित थियो।

कर्णालीको नजिर सुदूरपश्चिम प्रदेशमा पर्ने देखिन्छ। जहाँ एमालेका १७ सांसदले पार्टी केन्द्रीय कमिटीको निर्देशन विपरित माओबादी नेतृत्वको प्रदेश सरकारलाई समर्थन गरेको थियो।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ जेष्ठ २७, २१: ४९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ जेष्ठ २७, २१: ४९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ जेष्ठ २७, २१: ४९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...