
नयाँ बिकल्प
काठमाडौं । आफूलाई सामाजिक अभियन्ता भनेर चिनाउने ज्ञानेन्द्र शाहीले समाचार प्रशारण भएको विषयलाई लिएर जनता टेलिभिजनमा कार्यरत पत्रकारद्वय शीखा श्रेष्ठ र धिरज बस्नेतलाई धम्की दिएका छन्।
केही दिनअघि सुर्खेतमा शाहीमाथी कुटपिट भएको र सोही विषयसँग सम्बन्धित घटनाक्रमलाई जेठ ३१ गते सोमबार जनता टेलिभिजनको ‘बाइलाइन’ कार्यक्रममा प्रसारण भएको समाचारको विषयलाई लिएर शाहीले धम्क्याएका हुन्।
जनता टेलिभिजनमा कार्यरत पत्रकार श्रेष्ठलाई असार १ गते फोन गरी अपशब्द प्रयोग गर्नुका साथै धम्की दिएको घटनाको नेपाल प्रेस युनियन काठमाडौ शाखाले घोर भत्सर्ना गरेको छ।
प्रसारण भएको समाचारप्रति चित्त नबुझे कानुनी उपचार खोज्ने बाटो हुँदाहुँदै पत्रकारलाई यस्तो धम्की दिनु प्रेस स्वतन्त्रता विरोधी र अपराधिक काम भएको भन्दै शाखाले घटनाको तत्काल छानबिन गरी दोषीमाथी कानुनी कारबाही गर्न माग गरेको छ।
प्रेस युनियन काठमाडौंका सचिव अक्कल कुँवरले बिहीबार विज्ञप्ति जारी गर्दै पत्रकारको सुरक्षामा ध्यान दिन सरकारको ध्यानाकर्षण गराउँदै स्वघोषित सामाजिक अभियन्ताका यस्ता हर्कत तत्काल बन्द नगरे श्रमजिवी पत्रकारको सुरक्षा र प्रेस स्वतन्त्रताको रक्षाका लागि युनियन जस्तोसुकै कदम चाल्न बाध्य हुने चेतावनी दिएका छन्।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...