
नयाँ बिकल्प,
काठमाडौं । राष्ट्रिय प्रजातन्त्र पार्टीका नेता तथा पूर्वमहामन्त्री सुनिलबहादुर थापासहित नेपाली कांग्रेसमा प्रवेश गरेका ५५ जनालाई नेपाली कांग्रेसले महासमिति सदस्य पदमा समायोजन गरेको छ।
नेपाली काग्रेसमा एक वर्षअघि नै प्रवेश गरेका राप्रपाका नेता थापालाई पार्टीको सहमहामन्त्री, ६ जनालाई केन्द्रीय सदस्य र तीन जना आमन्त्रित केन्द्रीय सदस्य गरी १० जनालाई केन्द्रीय कार्यसमितिमा चयन गरिसकेको छ।
केन्द्रीय कार्यसमितिबाहेकका ४५ जनालाई महासमिति सदस्यमा चयन गरिसकेको पत्र मंगलबार नेपाली कांग्रेसका मुख्यसचिव कृष्णप्रसाद पौडेलले पार्टी सहमहामन्त्री थापालाई बुझाएको केन्द्रीय सदस्य किरण गिरीले जनाए।
महासमिति सदस्यमा केन्द्रीय सदस्यहरु रामकृष्ण भट्टराई, विष्णुविक्रम थापा, बाबुराम बस्नेत, बृजलाल यादव, किरण गिरी र डा. टिएन योगी, आमन्त्रित केन्द्रीय सदस्यहरु दिलिप राई, आशाराम चौधरी र राजेशबहादुर सिंह परेका छन्।
तत्कालिन राप्रपा धनकुटाका जिल्ला अध्यक्ष लक्ष्मी सुब्बा, तत्कालिन राप्रपा केन्द्रीय परिषद सदस्यहरु धनकुटाका मानबहादुर मिश्र, अग्नी ओझा, भुपेन्द्र कटुवाल, मीनबहादुर कार्की, तत्कालि राप्रपा सिन्धुपाल्चोकका जिल्ला सभापति इन्द्रबहादुर तामाङलाई पनि महासमिति सदस्यमा चयन गरिएको छ।
राप्रपा समायोजनपछि कांग्रेस आएका ५५ जनालाई महासमिति सदस्यमा नामावली अद्यावधिक गर्न पार्टी केन्द्रीय कार्यालयले धनकुटा, मोरङ, सिन्धुपाल्चोक, भोजपुर, बारा, काठमाडौं, ललितपुर, झापा, कैलाली, कपिलबस्तुसहित २० जिल्ला कार्यसमितिलाई बोदार्थ पठाएको छ।
हेर्नुस नामावली –



काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...