तनहुँमा बाढी पहिरोबाट २ को मृत्यु २ दर्जन बढी घाइते – Naya Bikalpa
November 21, 2026, Saturday      Epaper

तनहुँमा बाढी पहिरोबाट २ को मृत्यु २ दर्जन बढी घाइते


नयाँ बिकल्प,

दमौली । दुई दिनदेखि परेको अविरल वर्षाका कारण तनहुँ जिल्लाको विभिन्न ठाउँमा गएको पहिरो र बाढीमा परेर दुई जनाको मृत्यु भएको छ भने दुई दर्जनबढी स्थानीय वासिन्दा घाईते भएका छन्।

पहिरोले तनहुँको बन्दीपुर गाउँपालिका बन्दीपुर –३ तामुङको एक घर पहिरोको उच्च जोखिममा छ भने बन्दीपुरकै वडा नं. ५ मा तीन घर पहिरोले पुरिएका छन्। बाढीले ८ घर विस्थापित भएका छन्।

बन्दीपुरको वडा नं १ मा आठ वटा घर पुरिएको प्रहरीले जनाएको छ। बन्दीपुरकै तल्लोडुम्रे बजार क्षेत्रमा बाढीका कारण बजार नै डुबानमा परेको र सडक बगाउँदा वडा कार्यालयसम्म पुग्न समेत समस्या भएको छ।

तनहुँकै व्यास नगरपालिकाको छाब्दी खोलामा आएको बाढीले पक्की पुल बगाइदिएको छ । व्यास १ र १३ जोड्ने पक्की पुल बाढीले बगाएका कारण आवतजावत ठप्प छ।

तनहुँमा बाढी पहिरोमा परी बन्दीपुर –२ तामुङका ७२ वर्षीया हरिमाया सार्की र ३० वर्षीय सरस्वती थापाको निधन भएको छ।

पहिरोमा परी थापाका आफन्त ६६ वर्षे दिलबहादुर थापामगर, ५८ वर्षीया दाउरीमाया थापामगर र २६ वर्षे सुवास थापा मगर घाइते भएका छन्। घाइतेहरुको दमौली अस्पतालमा उपचार भइरहेको बन्दीपुर गाउँपालिकाकी उपप्रमुख करुणा गुरुङले जानकारी दिइन।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार १७, १६: ५०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार १७, १६: ५०

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७८ असार १७, १६: ५०

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...