
नयाँ बिकल्प,
काठमाडौं – सरकारी कार्यालयका कर्मचारीले अनेक बहाना गरी सेवाग्राहीलाई हैरान पारिरहेको घटना सामान्य जस्तै हुँदा संघीय सरकार मातहतको एक कार्यालय उद्योग विभागमा भने सेवाग्रही यस्तो समस्याबाट मुक्त भएका छन्।
उद्योग विभागमा सरकारी सेवा सुविधा लिन जाने सेवाग्राहीहरु यतिवेला विभिन्न उद्योग धन्दा दर्ता, नविकरण, अद्यावधिक गर्न जाँदा दुःख, झन्जट र कामै नहुने समस्याबाट मुक्त भएका छन्।
कतिपय सरकारी कार्यालयहरुमा बुझाएका कागजपत्र तथा फाइलहरु हराइदिने, सम्बन्धित व्यक्ति लामो समयसम्म कार्यालयमा नभेटिने कारण सेवाग्राहीहरु सेवा नपाएर हैरानी भएको अवस्थामा उद्योग विभागमा भने ठुला उद्योग स्थापनाका लागि निवेदन लिएर जाने व्यवसायीहरु समेत सेवा लिन सहज भएको अनुभव सुनाउन थालेका छन्।
उद्योग विभाग अन्तर्गत दर्ता हुने जुनसुकै उद्योग तथा इजाजत स्वीकृति प्रदानमा भने उद्योग विभागका महानिर्देशक जिवलाल भुषालले सेवाग्राहीलाई निकै खुसी पारेर पठाएको एक व्यवसायीले नयाँ विकल्प डटकमलाई बताए।
महानिर्देशक भुषालले निकै अगाडिदेखि निर्णय नगरी रोकेर राखिएको फाइलहरु असार मसान्तभित्रै सम्पन्न गरिदिएर व्यवसायीलाई उत्साह थपिदिएका हुन्।
आर्थिक वर्ष ०७७÷०७८ भित्र सम्पन्न भएपछि सेवा लिन गएका उद्योगीहरु महानिर्देशक भुषालसँग निकै खुसी भएका छन् । करोडौं रुपैंया लगानी गरेर उद्योग खोल्न तम्सिएका उद्योगी व्यवसायीहरु साल तमाम अगाडी नै काम सम्पन्न भएपछि सन्तुष्ट हुने गरेका हुन्।
उद्योग विभागका जिम्मेवार कर्मचारीले गलत मनसाय राखेमा उद्योग धन्दा संचालन गर्न लागेका, गरिरहेकाहरुको काममा ढिलाई गर्दिनाले उद्योगी व्यवसायीहरु दण्ड, जरिवाना, हर्जना र विलम्ब शुल्कका साथै निर्धारित समयमा नविकरण नहुँदा उद्योग संचालनमै समस्या भोग्दै आएका छन्।
महानिर्देशक भूषालको भूमिका र क्रियाकलापले सेवाग्राहीहरु उनलाई सेवानिबृत्त उपसचिव प्रेम सञ्जेललाई स्मरण गर्ने गर्छन् । धेरै जसो निजामति सेवाका कर्मचारीको सरकारी प्रक्रिया, कानून, नियम, नियमावली र पद्धति देखाएर सेवाग्राहीलाई झुल्याउने व्यवहारबाट आजित भएका सेवाग्राहीहरु भूषालको भूमिकाबाट खुसी र उत्साहि छन्।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...