विश्व कप क्रिकेट छनोटको तयारीका लागि नेपाली टोली बङ्गलादेश प्रस्थान

नयाँ विकल्प

, काडमाडौं – आईसीसी महिला टी–२० विश्व कप क्रिकेट टोली बिहीवार बङ्गलादेश प्रस्थान गरेको छ ।

क्रिकेट टोली विश्व कप क्रिकेट छनोट प्रतियोगिताको तयारीका बङ्गलादेशमा एक हप्ता गर्ने छ ।

बङ्गलादेशमा रहँदा नेपाली टोलीले चार अभ्यास खेल खेल्ने नेपाल क्रिकेट सङ्घ क्यानका अध्यक्ष चतुरबहादुर चन्दले जानकारी दिए ।

नेपाली टोलीले यही कात्तिक २५ गतेसम्म बङ्गलादेशमा अभ्यास गर्ने छ ।

नेपाली टोलीको कप्तानी रुबिना क्षेत्रीले गरेकी छिन् ।

टोलीका अन्य खेलाडीमा सीता रानामगर, करुणा भण्डारी, डली भट्ट, इन्दु बर्मा, सरिता मगर, ज्योति पाण्डे, सरस्वती चौधरी, काजल श्रेष्ठ, सवनम राई, कविता कुँवर, अप्सरी वेगम, कविता जोशी र संगीता राई रहेका छन् ।

यस्तै सरस्वती जीएम, रोमा थापा, अस्मिना कर्माचार्य र ममता चौधरीलाई वैकल्पिक खेलाडीका रूपमा राखिएको छ ।

नेपाली टोलीको प्रशिक्षकमा जगत टमाटा र व्यवस्थापकमा जयन्ती भट्ट रहेका छन् ।