भारतमा सन् २०१६ मा भएको सैन्य विमान दुर्घटनाको भग्नावशेष फेला – Naya Bikalpa
November 20, 2026, Friday      Epaper

भारतमा सन् २०१६ मा भएको सैन्य विमान दुर्घटनाको भग्नावशेष फेला

नयाँदिल्ली। भारतले करिब आठ वर्षअघि समुद्रमा हराएको २९ जना सवार भारतीय वायुसेनाको यातायात विमानको भग्नावशेष प्राप्त हुने सम्भावना रहेको शुक्रबार बताएको छ ।

रुसमा निर्मित एन्टोनोभ एएन–३२ विमानले सन् २०१६ जुलाईमा भारतको दुर्गम अण्डमान र निकोबार द्वीप समूहका लागि नियमित कुरियर सेवाका क्रममा सेवाकर्मी र चालक दलका छ सदस्यलाई बोकेको थियो ।

दक्षिणी सहर चेन्नाई नजिकै वायु सेनाको आधारबाट उडान भरेको १५ मिनेटपछि उक्त विमानको हवाई ट्राफिक कन्ट्रोलसँग अन्तिम पटक सम्पर्क भएको थियो । विमान हराएपछि उक्त समय खोज र उद्धार प्रयासले विमान खोजी गर्न सकेको थिएन ।

बङ्गालको खाडीमा समुद्री तलको सर्वेक्षण गर्ने गहिरो समुद्री ड्रोनले चेन्नाईको दक्षिणमा एक सय ४० समुद्री माइल (तीन सय १० किलोमिटर) दक्षिणमा तीन हजार चार सय मिटर (११ हजार एक सय ५० फिट) गहिराइमा दुर्घटनाग्रस्त विमानको भग्नावशेष फेला पारेको रक्षा मन्त्रालयले बताएको छ ।

मन्त्रालयले विज्ञप्तिमा भनेको छ, “तस्बिरहरू एएन–३२ विमानसँग मिल्दोजुल्दो भेटिएको छ, सम्भावित दुर्घटनास्थलमा गरिएको खोजमा भग्नावशेषले सम्भवतः दुर्घटनाग्रस्त आईएएफ एएन–३२ लाई औँल्याएको छ ।” उक्त क्षेत्रमा कुनै पनि अन्य विमान हराएको सूचना प्राप्त भएको छैन ।

एएन–३२ विमान बिना इन्धन चार घण्टासम्म उडान भर्न सक्षम छ र यो भारतीय वायुसेनाको वर्कहर्स यातायात विमान हो । यद्यपि रुस निर्मित उपकरणहरूमा अधिक निर्भर रहने भारतीय वायुसेना खराब सुरक्षा रेकर्डका कारण चिन्तित छ ।

हराएको विमानको राडार डेटाबाट तीव्ररूपमा उचाइ गुमाउनुअघि तीव्ररूपमा बायाँतिर मोडिरहेको थाहा भएको भारतीय वायुसेनाको एक स्रोतले सन् २०१६ मा एएफपीलाई बताएको थियो ।

भारतका रक्षा प्रमुख जनरल बिपिन रावतको सन् २०२१ मा १२ अन्य व्यक्तिसँगै मृत्यु भएको थियो । रुसमा निर्मित उहाँको एमआई–१७ हेलिकप्टर दक्षिणी राज्य तामिलनाडूमा दुर्घटनाग्रस्त भएको थियो । त्यसको अर्को वर्ष सोभियत कालको मिग–२१ लडाकू विमान राजस्थानमा प्रशिक्षण उडानका क्रममा दुर्घटना हुँदा दुई पाइलटको मृत्यु भएको थियो ।

गत वर्ष राजधानी नयाँदिल्लीको दक्षिणमा अभ्यासका क्रममा रुसमा निर्मित सुखोई एसयु–३० र फ्रान्समा निर्मित मिराज २००० आकाशमा ठोक्किँदा एक पाइलटको मृत्यु भएको थियो ।

भारतमा एएन–३२ सँग सम्बन्धित सबैभन्दा भयानक दुर्घटनामध्येको एक सन् १९९९ मा नयाँदिल्ली विमानस्थल नजिकै भएको दुर्घटनालाई मानिन्छ । उक्त दुर्घटनामा विमानमा सवार २० जनाको मृत्यु भएको थियो र तीन नागरिक जमिनमा जलेर मरेका थिए ।

वायुसेनाले विस्तारै आफ्ना केही पुराना विमानबाट छुटकारा पाइरहेको छ । तीमध्ये केही विमान सन् १९६० दशकका छन् । भारतले आफ्ना पुराना सैन्य विमानहरूलाई नयाँ रूप दिन गरेको ढिलाइले राष्ट्रिय सुरक्षामा खतरा भएको विशेषज्ञहरूले चेतावनी दिएका छन् ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८० पुष २८, १०: ३०

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० पुष २८, १०: ३०

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०८० पुष २८, १०: ३०

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...