राजपा र समाजवादीबीच एकता – Naya Bikalpa
November 20, 2026, Friday      Epaper

राजपा र समाजवादीबीच एकता

काठमाडौं । मधेशकेन्द्रीत दुई दल समाजवादी पार्टी नेपाल र राष्ट्रिय जनता पार्टी (नेपाल) बीच बुधबार राति पार्टी एकता भएको छ । राजपा नेपाल संसदीय दलका नेता महन्थ ठाकुर, अध्यक्ष मण्डलका संयोजक शरतसिंह भण्डारी, सदस्य राजेन्द्र महतो, महिन्द्र राय यादव र समाजवादी पार्टीका अध्यक्ष डा.बाबुराम भट्टराई, उपेन्द्र यादव, बरिष्ठ नेता असोक राई, सहअध्यक्ष राजेन्द्र श्रेष्ठले पार्टी एकताको सहमति पत्रमा हस्ताक्षर गरेका छन् ।


संघीय संसदको प्रतिनिधिसभामा राजपा र समाजवादी पार्टीका तर्फबाट १७, १७ जना सांसद छन् । राष्ट्रिय सभामा भने राजपाका २ र समाजवादीका १ सासद छन् । सहमति पत्रमा राजपाका अध्यक्षद्धय राजकिशोर यादव र अनिल झाको भने हस्ताक्षर छैन । समाजवादीका असन्तुष्ट नेता मोहम्मद इस्तियाक राईन र रेणु यादवले पार्टी फुटाएर बेग्लै राजनीतिक दल गठन गर्ने निर्णयमा पुगेसँगै दुई राजनीतिक दलबीच रातारात एकता घोषणा भएको हो ।


दुवै पार्टीबीच कात्तिक मसान्तमा पार्टी एकता गर्ने मौखिक सहमति भएको थियो । तर, समाजवादीको राष्ट्रिय सम्मेलनले सरकार तत्काल नछाड्ने निर्णय गरेपछि दुवै पार्टीबीचको एकताको प्रयास पर सरेको थियो । मंसिर ८ गते प्रधानमन्त्री केपी शर्मा ओलीले उपप्रधानमन्त्री समेत रहेका समाजवादीका अध्यक्ष उपेन्द्र यादवले लगेको संविधान संशोधनको प्रस्तावलाई अश्विकार गरेपछि सरकारबाट अलग हुने निर्णयमा पुगेको थियो । त्यसअघि यादवलाई प्रधानमन्त्री ओलीले स्वास्थ्य मन्त्रालयबाट कानून मन्त्रालयको जिम्मेवारी दिइएको थियो ।


दुवै पार्टीबीच भएको एकता अनुसार चुनाव चिन्ह राजपा नेपालले प्रयोग गरेको छाता राख्ने सहमति भएको थियो भने पार्टीको झण्डा भने समाजवादी पार्टीको आयातकारभित्र तारा राख्ने सहमति भएको छ । पार्टीमा क कसलाई के के जिम्मेवारी दिने भन्ने विषयमा केही खुलाइएको छैन ।

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ बैशाख ११, ०५: २१

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
हरिबोधिनी एकादशी आज मनाइँदै, तुलसी र विष्णुको विशेष पूजा गरिँदै
  • २०७७ बैशाख ११, ०५: २१

काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७७ बैशाख ११, ०५: २१

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...