पल्सर स्पोर्ट्स अवार्डमा एथलेटिक्सले वर्चस्व

नयाँ विकल्प विशेष संवाददाता
प्रकाशित मिती: २०८० माघ २८, २१: ३०

काठमाडौं । एनएसजेएफ पल्सर स्पोर्ट्स अवार्डमा एथलेटिक्सले वर्चस्व कायमै राखेको छ । नेपाल खेलकुद पत्रकार मञ्च एनएसजेएफले आइतबार आयोजना गरेको एनएसजेएफ पल्सर स्पोर्ट्स अवार्ड २०७९ मा एथलेटिक्सका दीपक अधिकारी र राजपुरा पछाई वर्ष खेलाडी घोषित भएका छन् ।

वर्षको उत्कृष्ट प्रशिक्षकमा एथलेटिक्सकै चन्द्र गुरुङ घोषित भएका छन् । अधिकारी, पछाई र गुरुङले १६औं एसियाली क्रसकन्ट्री दौडमा पदक जितेका थिए । यस संस्करणदेखि मञ्चले अवार्डका लागि सुरुमा ८ जनाको मनोनयन गरेको थियो ।

जसमध्येबाट शीर्ष ३ छानेर यसअघि शीर्ष तीनको मनोनयन सार्वजनिक गरिएको थियो । आज तीनै ३ मध्येबाट अवार्ड विजेता छानिएका हुन् ।पुरुषतर्फ दीपकले क्रिकेटका रोहितकुमार पौडेल र आसिफ सेखलाई पछाडि पारे ।

महिलामा राजपुराले एथलेटिक्सकै पुष्पा भण्डारी र बास्केटबलकी अनुसा मल्ललाई पछि पारिन् । वर्ष उत्कृष्ट खेलाडीद्वय दीपक र राजपुराले बजाज पल्सर एन २५० मोटरसाइकल पुरस्कार पाएका छन् ।

वर्ष उत्कृष्ट प्रशिक्षक गुरुङले पनि पल्सर एन १६० मोटरसाइकल पाए । प्रशिक्षक गुरुङले बक्सिङका दीपक महर्जन र क्रिकेटका जगत टमटालाई पछि पारे ।

सम्बन्धित समाचार

नेपाललाई ‘नन् करप्ट’ राष्ट्रको पहिचान दिन प्रधानमन्त्रीको आग्रह

२०८० माघ २८, २१: ३०

काठमाडौं : प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘नन् करप्ट’ राष्ट्रको पहिचान दिन निजामती कर्मचारीहरूलाई आग्रह गरेका छन्...