निर्वाचनमा व्यापक धाँधली भएको आरोप – Naya Bikalpa
February 21, 2024, Wednesday

निर्वाचनमा व्यापक धाँधली भएको आरोप

काठमाडौं । पाकिस्तानको आम निर्वाचनमा व्यापक धाँधली भएको भन्दै अदालतमा व्यापक उजुरीहरू परेका छन् । हाल जेलमा रहेका पूर्व प्रधानमन्त्री इमरान खानको पाकिस्तान तहरीक ए इन्साफ पार्टीले समर्थन गरेका उम्मेदवारहरूले मतदानमा धाँधली भएको आरोप लगाएका छन् ।

चुनावी नतिजा र त्यसपछिको राजनीतिक परिस्थितिलाई लिएर उक्त दलले शान्तिपूर्ण प्रदर्शनको आह्वानसमेत गरेको छ। इमरान खानको दलले पाकिस्तानको निर्वाचन आयोग र अन्य सरकारी भवनबाहिर शान्तिपूर्ण विरोध प्रदर्शनको आह्वान गरेको हो।

जेलमा रहेका खानलाई निर्वाचनमा प्रतिस्पर्धा गर्न रोक लगाइएको थियो। उनको दलको समर्थन पाएका धेरै स्वतन्त्र उम्मेदवारहरूले चुनाव जितेका छन् ।

चुनाव जितेको दाबी
जेलबाटै खानले आफ्नो दलले चुनाव जितेको घोषणा गरेका छन् भने उनका प्रतिद्वन्द्वी नवाज शरिफले पनि जितको दाबी गरेका छन् । हालसम्मको चुनावी नतिजाले खानको दलले समर्थन गरेका उम्मेदवारले धेरै स्थानमा जितेको देखाएको छ।

चुनावमा धाँधली भएको भन्ने खानको दलको आरोपलाई पाकिस्तानी अधिकारीहरूले भने अस्वीकार गरेका छन्।पीटीआईले मात्र नभइ पाकिस्तानका कतिपय धार्मिक दलहरूले पनि चुनावमा धाँधली भएको आरोप लगाउँदै विरोध प्रदर्शनको आह्वान गरेका छन्।

चुनावी नतिजा
प्रतिनिधि सभाका २६६ सिटका लागि भएको मतदानमा गएरातिसम्म २६४ क्षेत्रको नतिजा आएको हो। एक सिटको निर्वाचन रद्द भएको छ भने एक क्षेत्रमा मतगणना स्थगित भएको छ ।

२६४ सिटको नतिजा आउँदा जेलमा रहेका पूर्वप्रधानमन्त्री इमरान खानको पार्टीले पाकिस्तान तेहरिक(इ(इन्साफ ९पिटिआई० समर्थित स्वतन्त्र उम्मेदवारहरूले १०१ सिट जितेको छ।

पिटिआईलाई त्यहाँको निर्वाचन आयोगले उनीहरूको चुनाव चिह्न नदिएपछि पिटिआईका र त्यसका समर्थित नेताहरूले स्वतन्त्र उम्मेदवारी दिएका थिए।

सेनाको समर्थनका बाबजुद उक्त दलले पनि बहुमत पाउन सकेन। पिएमएल(एनले ७५ सिट ल्याएको छ। त्यस्तो बिलाओल भुट्टोको पाकिस्तान पिपुल्स पार्टी पार्लियामेन्टेरियन ९पिपिपी०ले ५४ सिट जितेको छ भने मुत्ताहिडा क्वमी मुभमेन्टले १७ सिट जितेको छ।

चारवटै प्रान्तीय सभाको पनि परिणाम आइसकेको छ। पञ्जाबमा २९७ सिटमध्ये १३८ सिटमा इमरान खान समर्थित स्वतन्त्र उम्मेदवार निर्वाचित भएका छन्।

यहाँ पिएमल( एनले १३७ सिट जितेको छ भने पिपिपीले १० सिट मात्रै ल्याएको छ। सिन्धमा १३० मध्ये पिपिपीले ८४ सिट ल्याएको छ। यहाँ मुत्ताहिडा क्वमी मुभमेन्ट पाकिस्तानले २८ सिट जित्दा इमरान खान समर्थित स्वतन्त्र उम्मेदवारले १३ सिट जितेक छन्।

खेबर पख्तुन्ख्वामा १२२ मध्ये ९० सिट स्वतन्त्र उम्मेदवारले जितेका छन्। बलोचिस्तानमा ५१ सिटमध्ये पिपिपीले ११, पिएमएल(एनले १०, जमियत उलमा(इ(इस्लामले ११ र स्वतन्त्र उम्मेदवारले ६ सिट जितेको छ।

यसपालि सेनाले निर्वाचनमा धाँधली र हस्तक्षेप गरेका कारण निष्पक्ष निर्वाचन हुन नकसेको समेत भनिएको छ। अमेरिका, बेलायत र इयूले वक्तव्य नै जारी गरेर पाकिस्तानको निर्वाचनमा सेनाले धाँधली र हस्तक्षेप गरेको बताउँदै छानबिनको माग गरेको छ।

सम्बन्धित समाचार

गाजामा युद्धविरामको प्रस्ताव अमेरिकी भिटोद्वारा बिफल
गाजामा युद्धविरामको प्रस्ताव अमेरिकी भिटोद्वारा बिफल
  • २०८० माघ २९, ०८: १२

काठमाडौं। गाजामा तत्काल युद्धविरामको माग गर्दै अल्जेरियाले संयुक्त राष्ट्रसंघमा दर्ता गराएको प्रस्ताव अमेरिकाले बिफल बनाएको छ । अमेरिकाले भिटो प्रयोग...

ब्रिटिश पेट्रोलियमले इजिप्टमा १.५ अर्ब अमेरिकी डलर लगानी गर्ने
ब्रिटिश पेट्रोलियमले इजिप्टमा १.५ अर्ब अमेरिकी डलर लगानी गर्ने
  • २०८० माघ २९, ०८: १२

इजिप्ट । ब्रिटिश पेट्रोलियमले इजिप्टमा विकास,अन्वेषण गतिविधिका लागि १.५ अर्ब अमेरिकी डलर लगानी गर्ने भएको छ । ऊर्जा विशाल ब्रिटिश...

काँग्रेस महासमिति बैठकमा पाँच वटा प्रतिवेदनमाथि छलफल सुरु
काँग्रेस महासमिति बैठकमा पाँच वटा प्रतिवेदनमाथि छलफल सुरु
  • २०८० माघ २९, ०८: १२

काठमाडौँ । नेपाली काँग्रेसको महासमिति बैठकमा विभिन्न पाँच वटा प्रतिवेदनमाथि आजबाट छलफल सुरु हुने भएको छ । सोमबारदेखि सुरु भएको...