
काठमाडौं । तेस्रो एकदिवसीय सिरिजको अन्तिम खेलमा क्यानडाले दिएको २३३ रनको लक्ष्य पछ्याएको नेपाल जवाफी ब्याटिङ गरिरहेको छ ।
जवाफी ब्याटिङमा रहेको नेपालका लागि भीम सार्कीले पनि अर्धशतक हिर्काएका छन् ।
भीमले ७८ बलमा ५ चौकासहित ५२ रन जोड्दै अर्धशतक पूरा गरेका हुन् । भीमको यो ओडीआई करिअरको चौथो अर्धशतक हो ।
पछिल्लो पटक भीमले विश्वकप छनोट जिम्बावेमा अमेरिकाविरुद्ध ७७ रनको अविजित इनिङ खेलेका छन्। त्यो नै भीमको ओडीआई करिअरको उच्च प्रदर्शन हो ।
योसँगै भीम र अनिलबीच दोस्रो विकेटका लागि शतकीय साझेदारी पनि पूरा भएको छ ।
ताजा अवस्थामा नेपालले ३१ ओभरमा १ विकेट गुमाएर १४७ रन जोडेको छ । नेपालको क्रिजमा अनिल साह ७६ र भीम सार्की ५२ रन बनाएर खेलिरहेका छन् ।
यसअघि लगातार दुई खेल जित्दै नेपालले सिरिज जितिसकेको छ।
फागुन पहिलो सातादेखि सुरु हुने आइसिसी विश्वकप लिग–२ को तयारीका लागि नेपालले क्यानडासँग सिरिज खेलेको हो।
कीर्तिपुर मैदानमा हुने लिग२ को सिरिजमा नेपालले नामिबिया र नेदरल्यान्ड्ससँग त्रिकोणात्मक एकदिवसीय सिरिज खेल्नेछ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...