
काठमाडौं । नेपाली कांग्रेसको महासमिति बैठक ललितपुरको गोदावरीमा सुरु भएको छ ।
बैठकमा पार्टी उपसभापति पूर्णबहादुर खड्काले नीति प्रतिवेदन प्रस्तुत गर्दै छन् ।
महामन्त्री गगनकुमार थापाले तयार पारेको सांगठनिक प्रतिवेदनमा चुनावअघि गठबन्धन नगर्ने उल्लेख गरेकोमा सभापति शेरबहादुर देउवासहित संस्थापन पक्षका नेताहरू नै असन्तुष्ट थिए ।
सोही कारण बैठकको तालिका बिथोलिएकोमा कांग्रेसका शीर्ष नेताहरुबीच उक्त प्रतिवेदनमा आंशिक संशोधन गर्ने सहमति जुटेपछि महासमिति बैठक अघि बढ्ने बताइएको थियो ।
आगामी चुनावमा आफ्नै तागतमा एक्लै लड्ने संकल्प गर्ने उल्लेख गरेर महामन्त्री थापाको प्रतिवेदन परिमार्जन गर्न कांग्रेस नेताहरु सहमत भएका हुन् ।
महामन्त्री थापाको प्रतिवेदनलाई गएराति नै टुंगो लगाइएको छ ।
सहमतिपश्चात बैठक आज बिहान ९ बजे सुरु हुने बताइए पनि सदस्यहरू समयमै आई नपुगेकाले ढिलो गरी भर्खरै सुरु भएको हो ।
महासमिति बैठकमा आज सबै प्रतिवेदन पेस हुने र छलफल सुरु हुने कांग्रेसले जनाएको छ ।
पार्टी प्रचार विभाग प्रमुख मीन विश्वकर्माले आज महासमिति बैठकमा नीति, सांगठनिक, समसामयिक, अर्थ र लेखासम्बन्धी प्रतिवेदनमाथि समूहगत छलफल हुने जानकारी दिए ।
आज बन्दसत्रमा उपसभापति पूर्णबहादुर खड्काको नीति प्रतिवेदनका साथसाथै, महामन्त्री गगन थापाको सांगठनिक प्रतिवेदन, अर्का महामन्त्री विश्वप्रकाश शर्माको राजनीतिक प्रतिवेदन पेस हुने छ ।
त्यस्तै अर्थमन्त्री प्रकाशशरण महतको अर्थतन्त्रको वर्तमान अवस्था र चुनौती र श्याम घिमिरेको लेखा प्रतिवेदन पनि पेस हुनेछ ।
सभापति शेरबहादुर देउवाले हिजो ललितपुरको गोदावरीमा उद्घाटन गरेपछि सुरु भएको महासमिति बैठक फागुन १० गतेसम्म चल्ने छ ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
गैरआवासीय नेपाली संघ अन्तर्राष्ट्रिय समन्वय परिषद्का महासचिवबाट जारी गरिएको राजनीतिक आबद्धता त्यागसम्बन्धी परिपत्र हेर्दा केही गम्भीर प्रश्नहरू उठेका छन् ।...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...