कोरोना संक्रमित ७ सय ७२ पुगे, मंगलबार ९० जनामा संक्रमणको पुष्टी

नयाँ विकल्प
प्रकाशित मिती: २०७७ जेष्ठ १३, १९: ००

काठमाडौं । मुलुकमा मंगलबार एकै दिन ९० जनामा कोरोना भाइरस संक्रमणको पुष्टी भएको छ । योसँगै नेपालमा कोरोना भाइरस संक्रमण भएकाको सख्या सात सय ७२ पुगेको छ ।
राष्ट्रिय जनस्वास्थ्य प्रयोगशाल टेकुमा गरिएको परिक्षणमा ३५ जनामा कोरोना संक्रमण पुष्टी भएको छ । जसअनुसार महोत्तरीको मनरामा २, बारामा बस्ने जुम्लाका ३५ र ३६ वर्षका २, प्रसौनी गाउँपालिकाका ३ पुरुषमा कोरोना संक्रमण पुष्टी भएको हो ।
रौतहटको गौर नगरपालिकामा ८, देवाही गोनाही गाउँपालिका ६, कटहरियाका ६, राजदेवी र गरुडा नगरपालिकाका १÷१ जनामा कोरोनो संक्रमण देखिएको छ । सिरहाको नवराजपुरमा १, भगवानपुरका ४ र धनुषाको मुखियापट्टी मुसहरियाका २२ वर्षे १ पुरुषमा कोरोना संक्रमण देखिएको हो ।
कपिलबस्तु जिल्लाको यसोधारा गाउँपालिकामा २ वर्षे वालिका १ जना र १९ देखि ५५ वर्षसम्मका २३ जना, मायादेवी गाउँपालिकामा २ जना, अर्घाखाँचीको कमलामाविमा २ जना, गल्मीको धुर्कोटमा २ र रुपन्देहीको लुम्विनी अस्पतालका १ जना २२ वर्षे पुरुषमा कोरोना संक्रमण देखिएको हो ।
सेती प्रयोगशालमा गरिएको परिक्षणबाट कैलाली र अछामका १÷१ जनामा, पोखरामा गरिएको परिक्षणबाट स्याङ्जा वालिङ नगरपालिका ७ का २ जनामा कोरोना पुष्टी भएको स्वास्थ्य तथा जनसख्या मन्त्रालयले मंगलबार पुष्टी गरेको छ ।
सुर्खेतको विरेन्द्रनगरमा ८ जनामा, भेरीगंगामा २ जनामा, सिम्तामा २ जनामा कोभिड १९ पोजेटिभ देखिएको छ । वाँकेको नेपालगंजमा १, दुधवामा ५, राप्ती सोनारीमा २ जनामा कोरोना संक्रमण पुष्टी भएको छ ।
सरकारले कोरोना संक्रमित भएको आशंकामा हाल देशभर ५५ हजार २ सय ८२ जनालाई क्वारेन्टाइनमा राखेको छ भने ५ सय ८२ जनालाई उपचारको क्रममा आइसोलेसनमा राखेको दाबी गरेको छ ।
कोरोनाको संक्रमण देशका ४६ जिल्लामा फैलिएको छ । संक्रमितहरु सबैभन्दा धेरै प्रदेश ५ मा ३ सय ३१ जना रहेका छन् भने प्रदेश २ मा २ सय ६८ जनामा संक्रमण देखिएको छ ।
मंगलबार नारायणी उपक्षेत्रीय अस्पताल वीरगंजमा आइसोलेसनमा बसेका ४३ जना निको भएर डिष्चार्ज भएका छन् । उनीहरु ७ देखि ५३ वर्ष उमेरका छन् । योसँगै नेपालमा कोरोना संक्रमणबाट निको भएरर घर फर्कनेको सख्या १ सय ५५ रहेको छ । त्यसमा १ सय २४ पुरुष र ३१ जना महिला रहेका छन् ।