आईसीसीका अध्यक्ष बार्क्ले काठमाडौंमा – Naya Bikalpa
November 21, 2026, Saturday      Epaper

आईसीसीका अध्यक्ष बार्क्ले काठमाडौंमा

काठमाडौं । अन्तर्राष्ट्रिय क्रिकेट परिषद् (आईसीसी)का अध्यक्ष ग्रेग बार्क्ले काठमाडौं आएका छन् ।

वुमन्स प्रिमियर लिगको फाइनल खेल हेर्न भारत आएका उनी नेपालको चार दिने भ्रमणका लागि अपराह्न काठमाडौं ओर्लिएका हुन् ।

नेपाल भ्रमणका क्रममा अध्यक्ष बार्क्लेले प्रधानमन्त्री पुष्पकमल दाहाल प्रचण्ड, अर्थमन्त्री वर्षमान पुन, युवा तथा खेलकुदमन्त्री विराजभक्त श्रेष्ठ, राष्ट्रिय खेलकुद परिषद् राखेपका सदस्य सचिव टङ्कलाल घिसिङ र क्रिकेट सङ्घका पदाधिकारीसँग छलफल गर्ने छन् ।

मंगलबार क्यानका बोर्ड सदस्यहरूसँग छलफल गर्ने उनले त्रिभुवन अन्तर्राष्ट्रिय क्रिकेट मैदान र मूलपानी क्रिकेट मैदानको पनि भ्रमण गर्ने छन् ।

यसैगरी बुधबार उनलाई माउन्टेन फ्लाइट गराउने तयारी नेपाल क्रिकेट संघ (क्यान)ले गरेको छ । काठमाडौं बसाइका क्रममा आईसीसी अध्यक्ष बार्क्लेले स्वयम्भू, पाटन दरबार स्क्वायर र बौद्ध स्तुपाको पनि भ्रमण गर्ने छन् ।

उनी बिहीबार बिहान नयाँ दिल्ली फर्कनेछन् । शुक्रबार सुरु हुने इन्डियन प्रिमियर लिगको उद्घाटन समारोहमा सहभागी भएर ग्रेग स्वदेश फर्कने आईसीसीले उल्लेख गरेको छ ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८० चैत्र ५, १७: २७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८० चैत्र ५, १७: २७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८० चैत्र ५, १७: २७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...