
काठमाडौं । अन्नपूर्ण पोष्ट दैनिकका प्रधानसम्पादक हरिवहादुर थापाले व्यवस्थापन पक्षले आफ्नो माग सुनुवाई नभएको भन्दै राजिनामा दिएपछि प्रधानसम्पादकको लागि तीन पत्रकार मैदानमा उत्रिएका छन् ।
दैनिकमा कार्यकार पत्रकार र कर्मचारीहरुको तलब तीन महिनादेखि व्यवसथापनले रोकेको भन्दै थापाले लकडाउनको समस्यामा परेका पत्रकार कर्मचारीलाई तलव दिन माग गरेका थिए । तर, आफ्नो माग सुनुवाई नभए पछि थापाले बुधबार प्रधान सम्पादकबाट राजिनामा दिएका थिए ।
अन्नपूर्ण मिडिया गु्रप अन्तर्गत हाल अन्नपूर्ण पोष्ट दैनिक, एपी वान टेलिभिजन, अन्नपूर्ण पोष्ट अनलाईन र अन्नपूर्ण रेडियो जस्ता संचार संस्थामा कार्यरत कर्मचारीले तीन महिनादेखि तलव नपाएर छटपटिएका छन् ।
प्रधान सम्पादक थापाले राजिनामा दिएपछि अनलाइनका सम्पादक विष्णु सुवेदी, दैनिकमा कार्यरत विकास थापा र अखण्ड भण्डारीमध्ये एक जना प्रधान सम्पादक हुने सम्भावना छ । तीन जनामध्ये अन्नपूर्ण मिडिया प्रालिका अध्यक्ष क्याप्टेन रामेश्वर थापाले सुवेदी र भण्डारीमध्ये एकलाई जिम्मेवारी दिने सम्भावना छ ।
सुवेदी अन्नपूर्ण पोष्टमा स्थापना कालदेखि कार्यरत अनुभवी पत्रकार हुन भने बिकास थापा र अखण्ड भण्डारी कान्तिपुर राष्ट्रिय दैनिक छाडेर अन्नपूर्ण जोडिएका हुन । अन्नपूर्ण पोष्ट अनलाइन सम्पादक विष्णु सुवेदी यसअघि नेपाल समय डट कमको सम्पादक भएर क्षमता प्रदर्शन गरिसकेका अनुभवी पत्रकार हुन ।
नेपालमा पत्रकारितामा एम फिल गर्ने पहिलो समुहका सुवेदी पत्रकारीतामा रिपोर्टिङदेखि काम गरेको अनुभव छ । अन्यदैनिक मिडियामा जस्तो अन्नपूर्ण पोष्टले आफ्नै मिडिया हाउसमा कार्यरत पत्रकारलाई प्रधान सम्पादक बनाएको ईतिहास छैन । तर, यस पटक अनुभवका हिसावले पनि सुवेदीलाई सम्पादक बनाउने योजना अध्यक्ष रामेश्वर थापाले बनाएका छन् । भण्डारीले सम्पादकिय भूमिका निर्वाह गरेको अनुभव लामो छैन भने विकास थापा अर्थ बिटमा मात्र अनुभव छ ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...