इटहरी उपमहानगरले सुरु गर्यो विद्युतीय बस सेवा

नयाँ विकल्प संवाददाता
प्रकाशित मिती: २०८१ आश्विन २, १५: १६

सुनसरी। इटहरी उपमहानगरपालिकाले बुधबारदेखि नगरवासीलाई सुविधा दिने उद्देश्यले चारवटा विद्युतीय बस सेवा संचालनको सुरुवात गरेको छ।

उपमहानगर प्रमुख हेमकर्ण पौडेलका अनुसार इटहरीका चारवटै क्षेत्रलाई समेटेर बस सञ्चालनको ‘रुट’ तयार गरी सेवा सुरु भएको हो।

सडक सञ्जाल विस्तार भए पनि इटहरीका सबै क्षेत्रमा सार्वजनिक यातायात नियमित रूपमा उपलब्ध नभएकाले नगरवासीको यात्रालाई सुविधाजनक बनाउने प्रयासस्वरुप सेवा प्रारम्भ भएको हो।

नगर क्षेत्रमा बिहान ७ देखि ११ बजेसम्म र अपराह्न २ देखि साँझ ७ बजेसम्म नियमित सञ्चालन गरिने उक्त सेवाका निम्ति हाललाई २० रुपैयाँ भाडा तोकिएको छ।

गत साउन २२ गते छ करोड ३६ लाख ८६ हजार रुपैयाँमा उपमहानगरपालिकाले ती विद्युतीय वसहरु खरिद गरेको थियो।

अपाङ्गता भएका व्यक्तिहरू पनि नगर बसमा सहजरूपमा यात्रा गर्नसक्ने जनाइएको छ।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त

२०८१ आश्विन २, १५: १६

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

क्षति पुगेको खुलामञ्चको स्वरूप फर्काउँदै कांग्रेस

२०८१ आश्विन २, १५: १६

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...