- अनामनगर काठमाडौँ
- infobikalpa21@gmail.com
येँँ : विश्वय् लोकंह्वाःगु पर्यटन मेला ‘वर्ल्ड ट्राभल मार्केट–२०२४’ (डब्लुटीएम) य् नेपाःपाखें ब्वति कयाः विश्व पर्यटन उद्योगया ध्यानाकर्षण याःगु दु । नेपाः पर्यटन बोर्डया नेतृत्वय् नेपालं लन्डनय् ग्वसाःग्वःगु डब्लुटीएमय् ब्वति काःगु खः ।
थ्व हे वंगु कात्तिक २० निसें २२ गतेतक जूगु वल्र्ड ट्राभल मार्केटय् नेपालं साहसिक यात्रा, सांस्कृतिक विविधता व दिगो पर्यटनया लागि अग्रणी गन्तव्यया कथं थःगु उपस्थिति क्यनाः नेपाःया पर्यटन प्रवद्र्धन यायेत समन्वय यायेत विश्व पर्यटन उद्योगया ध्यानाकर्षण याःगु खः ।
बोर्डं ब्वति काःगु थःगु ४० दँय् उत्सव न्यायेकाः विश्व पर्यटन ख्यलय् ताःईनिसेंया योगदानयात निरन्तरता ब्यूगु खः । सच्छि व ८४ देय्तपाखें ४३ द्वः ब्वतिकाःपिं दूगु डब्लुटीएमलय् स्वद्वः व च्यासः व ७५ प्रदर्शकत ब्वतिकाःगु दु । मेलाय् ८२ गू सम्मेलन सत्र ग्वसाः ग्वःगु खः ।
नकतिनि हे लोन्ली प्लानेटपाखें सन् २०२४ या लागि बेस्ट इन ट्राभल गन्तव्यकथं घोषित जुइधुंकाः थुगु दँय् डब्लुटीएमय् नेपाःया उपस्थिति अप्वः महत्वपूर्ण जुइगु बोर्डं न्ह्यथंगु दु । थुकिं विश्वन्यंकया यात्रुत व पर्यटन व्यवसायीन्ह्यःने नेपाःया सम्पदायात न्ह्यब्वयेत महत्वपूर्ण ह्वताः चुलाःगु बोर्डया प्रमुख कार्यकारी अधिकृत दीपकराज जोशीं धयादिल ।
वर्ल्ड ट्राभल मार्केटय् नेपालं ब्वति काःगुलिं नेपाःयात यक्व सम्भावना दूगु बजाःलिसे प्रत्यक्ष संलग्न जुइत ग्वाहालि जुइगु व थुकिं नेपाःयात शीर्ष अन्तर्राष्ट्रिय गन्तव्यत नाप थनेगु वय्कलं न्ह्यथनादिल । वय्कलं नेपाःया थ्व ब्वति न्हूगु व्यावसायिक अवसर विकास यानाः झीगु समृद्ध संस्कृति, अनुपम प्राकृतिक दृश्य व पर्यावरणमैत्री पर्यटनय् च्यूताः तयेगु वातावरणीय सजग यात्रुतलिसे सम्बन्ध स्वायेगु ह्वताः नं दयेकी धकाः कनादिल ।
“लोन्ली प्लानेटं नेपाःयात बेस्ट इन ट्राभल गन्तव्यया कथं हनाबना याःगु दु । लोन्ली प्लानेटया थ्व मान्यतां नेपाःया पर्यटन सेवातय्त अझ विश्वसनीयता ब्यूगु दु । थ्व ब्वतिपाखें देय्या अनुपम परिदृश्यत लोकंह्वाःगु हिमालनिसें प्राचीन सांस्कृतिक थाय्तय्त नं कःघाःगु दु”, जोशीं धयादिल ।
नेपाः विश्वया लागि आकर्षक पर्यटकीय गन्तव्यथें जूगु झ्वलय् नेपाःयात साहसिक यात्रा, अध्यात्म व सम्पदाया मंकाः गन्तव्य कथं म्हसीकेत व बल्लाकेत थ्व मेलां महत्वपूर्ण भूमिका म्हितीगु आशा यानातःगु धकाः वय्कलं धयादिल । नेपाःपाखें डब्लुटीएलय् थी थी थासय् च्वंपिं पर्यटन बन्जात, ट्राभल कम्पनी, होटल, रिसोर्टया प्रतिनिधितय्सं ब्वति कयादीगु खः ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
