कतार एयरवेजले आजदेखि दोहा–भैरहवा दैनिक उडान भर्दै

नयाँ विकल्प संवाददाता
प्रकाशित मिती: २०८१ कार्तिक २७, १२: १४

भैरहवा। कतार एयरवेजले आजदेखि कतारको राजधानी दोहाबाट भैरहवास्थित गौतमबुद्ध अन्तर्राष्ट्रिय विमानस्थलमा दैनिक उडान गर्ने भएको छ।

कतारले दैनिक एक उडान दोहा–भैरहवा–काठमाडौं रुटमा गर्ने गरी अनुमति लिएको गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीले जनाए। दोहाबाट २ः४५ बजे आउने जहाज त्यसपछि काठमाडौं प्रस्थान गर्नेछ।

कतारले काठमाडौंबाट दैनिक तीन उडानको अनुमति पाएको छ। कतार एयरवेजले दैनिक दुई उडान काठमाडौं र एउटा भैरहवाबाट गर्नेछ।

विमानस्थलमर्मत शुरु हुनुअघि कतारले काठमाडौंमा दैनिक चार उडान भर्दै आएको थियो।

भैरहवामा उडान गर्ने कतार अब पाँचौ विमान सेवा कम्पनी बनेको छ। यसअघि नेपाल एयरलाइन्स, फ्लाई दुबई, जजिरा र थाई एयर एसियाले भैरहवाबाट उडान थालिसकेका छन्।

सम्बन्धित समाचार

प्राविधिक समस्याले अमेरिकाको हवाई सेवा अस्तव्यस्त

२०८१ कार्तिक २७, १२: १४

काठमाडौं : अमेरिकामा प्राविधिक समस्याका कारण शुक्रबार राष्ट्रव्यापी रूपमा हवाई उडान रोकिएपछि हजारौं यात्रु प्रभावित भएका छन् । चार घण्टाभन्दा बढी...

क्षति पुगेको खुलामञ्चको स्वरूप फर्काउँदै कांग्रेस

२०८१ कार्तिक २७, १२: १४

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...