बिहारका मुख्यमन्त्री नितिश कुमारले दिए राजीनामा

नयाँ विकल्प संवाददाता
प्रकाशित मिती: २०८३ बैशाख १, १८: ०४

एजेन्सी : भारतको बिहारका मुख्यमन्त्री नितिश कुमारले पदबाट राजीनामा दिएका छन् । उनले सामाजिक सञ्जाल ‘एक्स’ मार्फत एक विज्ञप्ति जारी गर्दै सबैलाई धन्यवाद दिएका छन् र आगामी नयाँ सरकारलाई आफ्नो ‘पूर्ण सहयोग र मार्गदर्शन’ रहने प्रतिबद्धता समेत जनाएका छन् ।

नितिश कुमार हालै मार्च महिनामा बिहारबाट राज्यसभाका लागि निर्वाचित भएका थिए र उनले सांसद पदको शपथ समेत लिइसकेका छन् । उनले राज्यपाल लेफ्टिनेन्ट जनरल (रिटायर्ड) सैयद अता हसनैनलाई भेटेर आफ्नो राजीनामा बुझाएका हुन् ।

नितिश कुमारको स्थायी मुख्यमन्त्रीको कार्यकाल नोभेम्बर २००५ बाट सुरु भएको थियो, यद्यपि उनी सन् २००० मा पहिलो पटक सात दिनका लागि मुख्यमन्त्री बनेका थिए । आफ्नो शासनकालको सुरुवाती वर्षहरूमा बिहारको कानुनी व्यवस्था र प्रशासनमा सुधार ल्याएपछि उनलाई ‘सुशासन बाबु’ को रूपमा चिनिन थालियो ।

तर पछिल्ला वर्षहरूमा उनले बारम्बार गठबन्धन परिवर्तन गरेको भन्दै आलोचना समेत खेप्नुपरेको छ । उनले सन् २०१५ मा बीजेपी छोडेर आरजेडीसँग गठबन्धन गरे, फेरि २०१७ मा बिजेपीसँग फर्किए, २०२२ मा पुनः आरजेडीसँग गए र २०२४ मा फेरि बीजेपीसँगै मिलेर सरकार बनाएका थिए ।

सम्बन्धित समाचार

सप्तकोशीमा जेटबोट दुर्घटना हुँदा तीन जनाको मृत्यु

२०८३ बैशाख १, १८: ०४

काठमाडौं : भोजपुरको हतुवागढी गाउँपालिका–९, हसपुरस्थित कोप्चेबाट सुनसरीको बराहक्षेत्रतर्फ आउँदै गरेको जेटबोट दुर्घटनामा परेको छ । अरुण र दूधकोशीको संगम...