- अनामनगर काठमाडौँ
- infobikalpa21@gmail.com
काठमाडौँ । विज्ञान, प्रविधि तथा नवप्रवर्तन मन्त्री महावीर पुन ले मन्त्रालयको काम शून्य अवस्थाबाट सुरु गर्नुपर्ने अवस्था रहेको बताएका छन्। मन्त्रालय अन्य मन्त्रालयजस्तो पूर्वतयारी अवस्थामा नरहेको उल्लेख गर्दै उनले आवश्यक संरचना र कार्यप्रणाली नयाँ ढंगले निर्माण गर्नुपर्ने आवश्यकता औँल्याए।
मन्त्री पुनले पदभार ग्रहण गरेको पहिलो दिनमै विज्ञान, प्रविधि तथा नवप्रवर्तनसम्बन्धी ऐन निर्माणका लागि विधेयक तयार गर्ने निर्णय गरिएको जानकारी दिए। उनले मन्त्रालय सञ्चालनका लागि आवश्यक कर्मचारी संख्या, दरबन्दी तथा कार्यक्षेत्र निर्धारण गर्न संगठन तथा व्यवस्थापन (ओ एन्ड एम) सर्वेक्षण गर्ने निर्णयसमेत गरिएको बताए।
त्यसैगरी, विभिन्न मन्त्रालयअन्तर्गत छरिएर रहेका अनुसन्धान, विज्ञान तथा नवप्रवर्तनसम्बन्धी कार्यक्रम र गतिविधिलाई एकीकृत तथा प्रभावकारी रूपमा अघि बढाउने विषयमा तत्काल गहन छलफल सुरु गर्ने निर्णय गरिएको मन्त्री पुनले उल्लेख गरे।
नवनिर्मित मन्त्रालयलाई प्रभावकारी र परिणाममुखी बनाउने लक्ष्यका साथ आवश्यक कानुनी, प्रशासनिक तथा संस्थागत आधार तयार गर्न मन्त्रालयले प्राथमिकता दिएको मन्त्री पुनको भनाइ छ।
काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...
ललितपुर : नेपाली कांग्रेसले खाना पकाउने ग्यासको अभाव, विद्युत् खपतमा कर वृद्धि, रासायनिक मलको संकट, बजारमा बढ्दो महँगी तथा सरकारको...
काठमाडौं : नेपाल क्रिकेट संघ (क्यान)ले नेपाली राष्ट्रिय क्रिकेट टोलीको एकदिवसीय (ओडिआई) कप्तान परिवर्तन गर्दै स्पिनर सन्दीप लामिछानेलाई नयाँ कप्तान...
