एनपिएलमा आज दुई खेल

नयाँ विकल्प संवाददाता
प्रकाशित मिती: २०८३ कार्तिक २४, ०७: ४०

काठमाडौं : नेपाल प्रिमियर लिग (एनपिएल)मा आज दुई खेल हुँदै छन् ।

आज कीर्तिपुरस्थित त्रिवि क्रिकेट मैदानमा कर्णाली याक्स र पोखरा एभेन्जर्स तथा काठमान्डु गोर्खाज र चितवन राइनोजबीच प्रतिस्पर्धा हुनेछ । कर्णाली र पोखराबीचको खेल मध्याह्न १२:३० बजे तथा काठमान्डु र चितवनबीचको खेलको खेल बेलुका ५ बजेदेखि हुनेछ ।

पोखराले जारी सिजनमा ४ खेल खेल्दा एउटामा पनि जित हासिल गर्न सकेको छैन । प्लेअफ सम्भावना लगभग सकिएको पोखरालाई प्रतिष्ठाका लागि भए पनि बाँकी खेलमा जित निकाल्नुपर्ने दबाब छ । त्यस्तै, ४ खेलमा २ खेल जितेर अंकतालिकामा छौठौँ स्थानमा रहेको कर्णालीका लागि आजको खेलमा जित आवश्यक छ । त्यसैले यो खेल रोचक हुने देखिएको छ ।

त्यस्तै, उच्च लयमा रहेको काठमान्डु आज चितवनलाई हराएर शीर्षस्थानमा उक्लिने योजनामा छ । ४ खेलमध्ये ३ खेलमा जित निकालेको काठमान्डु ६ अंकसहित दोस्रो स्थानमा छ । चितवन ४ खेलबाट ५ अंकसहित पाँचौ स्थानमा छ । प्लेअफका लागि बलियो आधार तय गर्न उसका लागि पनि आजको खेल जित्नुपर्ने आवश्यक छ ।