माओवादी केन्द्रको वैधानिकता कायम

पूर्वमाओवादी नेताहरूकाे निवेदन निर्वाचन आयोगद्वारा खारेज

नयाँ विकल्प,

काठमाडौं- निर्वाचन आयोगले पुष्पकमल दाहाल ‘प्रचण्ड’ नेतृत्वको नेकपा (माओवादी केन्द्र) को वैधानिकता कायम रहने निर्णय गरेको छ ।

माओवादी केन्द्र छाडेर एमालेमा प्रवेश गरेका नेता टोपबहादुर रायमाझी र प्रभु साहलगायतको योजनामा अधिवक्ता सरोज बुढाथोकीले माओवादी केन्द्रकाे बैधतामा प्रश्न उठाउँदै खारेकाेकाे माग गरि असार २३ मा दिएको पूर्व माओवादी नेताहरूले निवेदन दिएका थिए ।

निर्वाचन आयोगले साे निवेदन खारेज गरिदिएपछि माओवादी केन्द्रले बैधता पाएकाे छ । प्रमुख निर्वाचन आयुक्त दिनेशकुमार थपलिया र आयुक्तहरु सगुनसमशेर जबरा, जानकीकुमारी तुलाधर, रामप्रसाद भण्डारी र ईश्वरी प्रसाद पौड्यालको संयुक्त बैठकले आइतबार प्रचण्ड नेतृत्वको माओवादी केन्द्र वैधानिक रहेको निर्णय गरेको हो ।

त्यस्तै अर्का निवेदक भविसोर पराजुलीले असार २५ गते माओवादी केन्द्रको लेटरप्याड प्रयोग गरेर निर्वाचन आयोगमा दिएको अर्को निवदेन पनि आयोगले खारेज भएको छ । निर्वाचन आयोगले त्यसरी अन्य दलको लेटरप्याड दुरुपयोग नगर्न भविसोर पराजुलीलाई सचेत गराउने निर्णय समेत गरेको छ ।