- अनामनगर काठमाडौँ
- infobikalpa21@gmail.com
काठमाडौं । प्रधानमन्त्री केपी शर्मा ओलीले संविधान बमोजिम गठन गर्नुपर्ने विभिन्न आठवटा आयोग गठनको तयारी गरेका छन् । उनले सातवटा बर्गिय आयोग र एउटा प्राकृतिक स्रोत तथा वित्त आयोग गठन गर्न लागेका हुन् । यसको लागि उनले शुक्रबार संवैधानिक परिषद्को बैठक बोलाएका थिए ।
तर, नेपाली कांग्रेसका सभपाति तथा प्रमुख प्रतिपक्ष दलका नेता शेरबहादुर देउवा अनुपस्थित भएपछि संवैधानिक परिषदको शुक्रबार बोलाइएको बैठक स्थगित भएको थियो । संवैधानिक आयोगका पदाधिकारीहरू नियुक्तिका लागि सिफारिस गर्न बोलाइएको संवैधानिक परिषदको बैठक देउवा उपस्थित नभएपछि स्थगित गरिएको हो । बैठकमा परिषद्का सदस्यहरूबीच विभिन्न संवैधानिक आयोगका पदाधिकारी नियुक्तिका विषयमा भने सामान्य छलफल भएको थियो ।
कांग्रेस सभापति समेत रहेका प्रमुख प्रतिपक्ष दलका नेता देउवा पार्टी कामको शिलशिलामा पोखरा पुगेका थिए । सरकारले संवैधानिक व्यवस्था अनुसार राष्ट्रिय प्राकृतिक स्रोत तथा वित्त आयोग, राष्ट्रिय महिला आयोग, राष्ट्रिय दलित आयोग, राष्ट्रिय समावेशी आयोग, आदिवासी जनजाति आयोग, मधेसी आयोग, थारु आयोग र मुस्लिम आयोगका पदाधिकारी नियुक्तिका लागि सिफारिस गर्न लागेको हो ।
संविधानको धारा २५२ देखि २६५ सम्म विभिन्न आयोग गठन, आयोगको काम, कर्तव्य र अधिकारको व्यवस्था गरिएको छ । सोही व्यवस्था अनुसार ती आयोगहरूको अध्यक्ष तथा सदस्यहरू संवैधानिक परिषदले नियुक्तिका लागि सिफारिस गरी राष्ट्रपति समक्ष पेश गर्ने संवैधानिक व्यवस्था छ । राष्ट्रपतिले नियुक्त गर्ने आयोगका पदाधिकारीहरूको पदावधी ६ वर्षको हुनेछ ।
काठमाडौं : त्रिभुवन विश्वविद्यालय(त्रिवि) को वार्षिक बजेट वृद्धि भएको छ । गत वर्षको तुलनामा ९.७७ प्रतिशतले वृद्धि भएको हो ।...
काठमाडौं : नेपाली कांग्रेसको १५औं महाधिवेशनअन्तर्गत नयाँ नेतृत्व चयनका लागि बिहीबार हुने भनिएको मतदान स्थगित भएको छ । मतदानका लागि...
काठमाडौं : अख्तियार दुरुपयोग अनुसन्धान आयोगले यातायात व्यवस्था कार्यालय, सवारी चालक अनुमतिपत्र, रूपन्देहीका तत्कालीन कार्यालय प्रमुख तेजनारायण यादवसहित ७ जनाविरुद्ध...
