परीक्षणको समयमा बाधाहुने गरी क्रियाकलाप नगर्न अस्पतालको आदेश

नयाँ विकल्प विशेष संवाददाता
प्रकाशित मिती: २०८० माघ ४, १६: २२

काठमाडौं । शिक्षण अस्पतालमा बिरामीको परीक्षण भइरहेको समयमा औषधि लगायतका सामानको प्रचार नगर्न आग्रह गरेको छ । अस्पतालले बिहीबार सूचना निकाल्दै ओपिडी वार्ड तथा ओटीलगायतका स्थानमा एमआरहरु जाने र औषधि लगायतका सामानको प्रचारप्रसार नगर्न आग्रह गरेको हो ।

विभिन्न कम्पनीका मानिसहरु आई सामान बेच्ने , ल्याब टेस्टका लागि रगत सङ्कलन गरी प्राइभेट ल्याबमा लगेर जथाभावी पैसा असुल गर्ने जस्ता क्रियाकलाप गरी उपचार कार्यमा नै बाधा पुर्‍याएको भनी जनगुनासो आएका कारण अस्पतालले यस्तो आग्रह गरेको हो ।

अस्पतालले त्यस्तो कार्य नगर्न/नगराउन सम्बन्धित सबैमा यसै सूचना मार्फत सूचित गरेको छ ।

बिरामीको उपचार कार्यमा बाधा पुग्ने गरी यस्तो क्रियाकलाप गरेमा जो कोहीलाई नियमानुसार कारवाही गर्ने अस्पतालले सूचनामा उल्लेख गरेको छ ।

सम्बन्धित समाचार

सप्तकोशीमा जेटबोट दुर्घटना हुँदा तीन जनाको मृत्यु

२०८० माघ ४, १६: २२

काठमाडौं : भोजपुरको हतुवागढी गाउँपालिका–९, हसपुरस्थित कोप्चेबाट सुनसरीको बराहक्षेत्रतर्फ आउँदै गरेको जेटबोट दुर्घटनामा परेको छ । अरुण र दूधकोशीको संगम...