महामन्त्रीद्वयको प्रतिवेदनले संस्थापनलाई सकस

नयाँ विकल्प राजनितिक व्यूराे
प्रकाशित मिती: २०८१ भाद्र १३, १३: ५४

काठमाडौं। नेपाली कांग्रेसका सभापति शेरबहादुर देउवाले पार्टीका महामन्त्रीद्वय गगनकुमार थापा र विश्वप्रकाश शर्माको प्रतिवेदनमा सहमति खोज्न पदाधिकारी र पूर्वपदाधिकारीको बैठक बोलाएका छन्।

पार्टी सभापति देउवाको निवास बुढानीलकण्ठमा शनिबार विहान ९ बजेका लागि बैठक बोलाइएको छ। भदौ १६ गते बस्ने केन्द्रीय समिति अघि महामन्त्रीद्वय थापा र शर्माको प्रतिवेदनमा सहमति खोज्न देउवाले शीर्ष नेताको बैठक बोलाएका हुन्।

सभापति देउवाले मंगलबार र विहीबार (आज) दुई महामन्त्रीको प्रस्तावका लागि उपसभापति र महामन्त्रीसँग छलफल गरेका थिए।

थापाको चुनावी तालमेल नगर्ने र महाधिवेशन कार्यतालिका तत्काल निर्धारण गर्नु पर्ने र शर्माको एक्जिट पोलिसीको विषयमा सहमति जुट्न सकेको छैन।

‘मुख्यत तीन एजेण्डामा दुई दिन छलफलमा भए पनि आफ्नो अडानबाट दुई महामन्त्री पछि नहटेपछि छलफल विनानिष्कर्ष टुंगिएको हो’ स्रोतले भन्यो।

महामन्त्र िथापाले भने पार्टी सभापतिसँगको छलफल सहमति नजिक पुगेको भन्दै थप छलफलको लागि पूर्वपदाधिकारी र पदाधिकारीसँग छलफल गर्न लागिएको बताए।