काठमाडौं महानगर १६को वडाध्यक्षमा कांग्रेसले उठायो देवेन्द्र पाठक

नयाँ विकल्प संवाददाता
प्रकाशित मिती: २०८१ मंसिर २, १५: ३८

काठमाडौं। नेपाली कांग्रेसले काठमाडौं महानगरपालिका–१६ को वडाध्यक्षमा देवेन्द्र पाठकलाई उम्मेदवार बनाएको छ। वडा सभापति समेत रहेका पाठकलाई उम्मेदवार बनाउने निर्णय गरेसँगै उम्मेदवारी दर्ता समेत भएको छ।

वडाध्यक्षका लागि ११ जनाको नाम सिफारिस भएको थियो। काठमाडौंका कांग्रेस सभापति सबुज बानियाँले अन्य आकांक्षीले नाम फिर्ता लिएर पाठकको नाम सर्वसम्मत चयन गरिएको जानकारी गराए।

गत निर्वाचनमा कांग्रेसबाट निर्वाचित मुकुन्द रिजालको निधन भएपछि उप निर्वाचन हुन लागेका छ।

वडा नम्वर १६ मा उपनिर्वाचनका लागि एमालेबाट लक्ष्मीरत्न तुलाधर, एकीकृत समाजवादीबाट मीनबबहादुर मानन्धर, रास्वपाबाट रोजिना श्रेष्ठ आदिले उम्मेदवारी दिएका छन्।

सम्बन्धित समाचार

सप्तकोशीमा जेटबोट दुर्घटना हुँदा तीन जनाको मृत्यु

२०८१ मंसिर २, १५: ३८

काठमाडौं : भोजपुरको हतुवागढी गाउँपालिका–९, हसपुरस्थित कोप्चेबाट सुनसरीको बराहक्षेत्रतर्फ आउँदै गरेको जेटबोट दुर्घटनामा परेको छ । अरुण र दूधकोशीको संगम...