- अनामनगर काठमाडौँ
- infobikalpa21@gmail.com
काठमाडौं, असार ७ । ‘स्वस्थ वृद्धावस्थाका लागि योग’ भन्ने नारासहित आज नेपालमा पनि अन्तरराष्ट्रिय योग दिवस विभिन्न कार्यक्रम गरी मनाइँदै छ।
हरेक वर्ष जुन २१ मा मनाइने अन्तरराष्ट्रिय योग दिवस संयुक्त राष्ट्रसङ्घको महासभाले सन् २०१४ मा पारित गरेको प्रस्तावअनुसार सन् २०१५ देखि विश्वभर मनाउन थालिएको हो। भारतीय प्रधानमन्त्री नरेन्द्र मोदीले संयुक्त राष्ट्रसङ्घको ६९औँ महासभामा योग दिवस घोषणा गर्ने प्रस्ताव राखेका थिए भने नेपालका तत्कालीन प्रधानमन्त्री सुशील कोइरालाले त्यसमा पहिलो समर्थन जनाएका थिए।
नेपालमा भने विसं २०३६ माघ १ गतेदेखि उत्तरायणको अवसर पारेर योग दिवस मनाउने परम्परा सुरु भएको थियो। सरकारले विसं २०७२ साउन २८ गते माघ १ लाई राष्ट्रिय योग दिवसका रूपमा घोषणा गरेको थियो। हाल नेपालमा माघ १ मा राष्ट्रिय योग दिवस र जुन २१ मा अन्तरराष्ट्रिय योग दिवस मनाइँदै आएको छ।
योग, ध्यान र आयुर्वेदले मानसिक शान्ति, स्वास्थ्य र आरोग्यता प्रवर्द्धन गर्ने विश्वासका साथ पछिल्लो समय नेपालमा योगप्रतिको आकर्षण बढ्दै गएको छ। नेपाल संस्कृत विश्वविद्यालय र त्रिभुवन विश्वविद्यालयमा समेत योग विषयको अध्ययन तथा अध्यापन भइरहेको छ।
अन्तरराष्ट्रिय योग दिवसका अवसरमा आज बिहान राष्ट्रिय खेलकुद परिषद् परिसरमा विशेष कार्यक्रम आयोजना गरिएको छ। कार्यक्रममा योगासन प्रदर्शनका साथै योगको महत्वबारे जानकारी गराइएको छ।
काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...
काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...
काठमाडौँ । देशका ११ जिल्लाका ८२ स्थानमा बर्ड फ्लुको संक्रमण पुष्टि भएपछि पशु सेवा विभागले उच्च सतर्कता अपनाउन सबै सरोकारवाला...
