- अनामनगर काठमाडौँ
- infobikalpa21@gmail.com
रसुवा । निर्माणाधीन ७८ मेगावाट क्षमताको सालासुङगी जलविद्युत आयोजनाले क्षति पुर्याएको भन्दै स्थानीयले आयोजनाको काम ठप्प पारेका छन् ।
आमाछोदिङमो गाउँपालिका–५ मा निर्माणाधिन उत्त जलविद्युत आयोजनाले वातावरणीय प्रभाव मूल्यांकनको आधारमा काम नगरेको भन्दै काम ठप्प पारेका हुन ।
सालासुङगी वाटर प्रालि र गाउँपालिकाको ५ वडा कार्यालयबीच २० असामा सम्झौता भएको हो तर, सम्झौताविपरीत आयोजना स्थलमार्ग निर्माणका क्रममा वनजंगल विनास गरेको, १० वटा खर्कमा क्षति पुर्याएको स्थानीयले बताएका छन् ।
सडक निर्माणका कारण ठूला ढुंगाले पशु हिँड्ने बाटो नभएको र घाँस पाउने खर्क मासिँदा २७ चौँरी तथा भेडा पालक किसान समस्यामा परेको सोनामनुर्पु तामाङले बताए । माग सम्बोधन नभएपछि स्थानीयले काममा अवरोध गरेको आमाछोदिङमो गाउँपालिका–५ का वडाध्यक्ष टासी छेवाङ तामाङले बताए ।
संझौता अनुसार काम नभएको उनको भनाइ छ । आयोजनाभन्दा ५ सय मिटरमाथि यो आयोजनाको विद्युतगृह निर्माण भइरहेको छ । नेपाली साझेदार सालासुङगी पावरको ८ र चिनियाँ लगानीकर्ता चाइना हार्वड इन्जिनियरिङ कम्पनीको ९२ प्रतिशत लगानी छ ।
केही व्यक्तिले निहीत स्वार्थ पूरा गर्न आयोजनाको काममा अवरोध गरेको सालासुङ्गी पावर प्रालिका विष्णुराज अधिकारीले बताएका छन् ।
काठमाडौं। जल तथा मौसम विज्ञान विभागअन्तर्गत मौसम पूर्वानुमान महाशाखाले हाल देशभर मनसुनी वायु सक्रिय रहेको जनाएको छ। महाशाखाका अनुसार मनसुनको...
काठमाडौं : बझाङको केदारस्यूँ गाउँपालिका–७ स्थित सुङगरे क्षेत्रमा भएको जीप दुर्घटनामा परी तीन जनाको घटनास्थलमै मृत्यु भएको छ । दुर्घटनामा...
काठमाडौँ : काठमाडौँको बुद्धनगरमा आत्मदाहको प्रयास गरेका ४५ वर्षीय अश्विन राउतको निधन भएको छ। राउतको वीर अस्पतालमा उपचारका क्रममा निधन...
