गर्मी छल्न मुहानपोखरी झरना (फोटो फिचर)

नयाँ विकल्प

काठमाडौं- पर्यटकीय क्षेत्र नगरकोट जाने बाटोमै पर्छ मुहानपोखरी। चाँगुनारायण नगरपालिका वडा नं। ६ र ७ को सिमानामा रहेको मुहानपोखरी पछिल्लो समयमा आन्तरिक पर्यटनको केन्द्र बनिरहेको छ। जहाँ दिनहुँ हजारौं व्यक्ति गर्मी छल्नका लागि पुग्ने गरेका छन्।

पछिल्ला ४/५ वर्षदेखि घुमघाम तथा प्राकृतिक सौन्दर्यसँग रम्न पाउने नयाँ गन्तव्य बनिरहेको सो ठाउँको मुख्य आकर्षण झरना हो। राजधानीबाट समेत नजिकको शान्त, सुन्दर, हरियाली वनजङ्गल र मनमोहक वातावरणले धेरै युवायुवतीलाई तानिरहेको छ। दिनानुदिन आन्तरिक पर्यटकको संख्या वृद्धि भइरहेकाे छ।

बालक, युवायुवतीहरु झरनामा आइ नुहाउने र पानीसँग खेल्न सहज होस् भनी वडा कार्यालयले पोखरीसँगै लैंगिक मैत्री लुगा बदल्ने कक्ष समेत बनाएको छ।