- अनामनगर काठमाडौँ
- infobikalpa21@gmail.com
काठमाडौँ, २३ कात्तिक । प्रमुख निर्वाचन आयुक्त डा अयोधीप्रसाद यादवले आगामी निर्वाचनलाई ऐतिहासिक रुपमा सफल तुल्याउन दृढता र प्रतिबद्धताका साथ अघि बढिरहेको बताउनुभएको छ ।
प्रतिनिधिसभा र प्रदेशसभा सदस्य निर्वाचनको तयारी तथा निर्वाचन आचारसंहिताका बारेमा नेपाल सरकारका मुख्य सचिव र सचिवलाई जानकारी गराउने उद्देश्यले आज यहाँ आयोजित छलफल कार्यक्रममा उहाँले जसरी पनि निर्वाचन जित्नुपर्छ भन्ने पक्षलाई निरुत्साहित र नियन्त्रण गर्न निर्वाचन आचारसंहिता पालनामा आयोगले जोड दिइरहेको उल्लेख गर्नुभयो ।
निर्वाचनमा खटिने कर्मचारीमा स्वच्छ र स्वतन्त्र भूमिका एवम् व्यवहार प्रदर्शन, प्रभावकारी मतदाता शिक्षा, निर्वाचन सामग्री तथा मतदान केन्द्रको व्यवस्थापन र सुरक्षित रुपमा मतपेटिका संकलन गर्नु आयोगको अहिलेको चुनौती रहेको बताउँदै प्रमुख निर्वाचन आयुक्त डा यादवले आगामी निर्वाचनलाई सफल तुल्याउन आयोगले सबैको सहयोगको अपेक्षा गरेको बताउनुभयो ।
सरकारका मुख्य सचिव लोकदर्शन रेग्मीले मुलुकको प्राथमिकताको सूचीमा रहेको प्रतिनिधिसभा र प्रदेशसभा सदस्य निर्वाचनलाई सफल तुल्याउन आवश्यक शान्तिसुरक्षा, स्रोतसाधन र जनशक्ति उपलब्ध गराउन सरकार प्रतिबद्ध छ भन्नुभयो ।
“निर्वाचनलाई सफल तुल्याउन हामी सतर्क र दत्तचित्त छौँ,” उहाँले भन्नुभयो, “निर्वाचन हामी सबैको साझा लक्ष्य हो, निर्वाचनलाई सफल तुल्याउन हामी सतर्क र दत्तचित्त छौँ, एकाकार भएर काम गर्ने छौँ, निर्वाचनमा खटिएका राष्ट्रसेवकबाट भइरहेको कार्य सम्पादनको अनुगमन भइरहेको छ ।”
निर्वाचन आयुक्त सुधीरकुमार शाहले आगामी मंसिर १० र २१ गते हुने प्रतिनिधिसभा र प्रदेशसभा निर्वाचनलाई सफल तुल्याउन सरकारका तर्फबाट हरदम सहयोग, सद्भाव र प्रतिबद्धता होस् भन्नुभयो ।
निर्वाचन आयोगका सचिव बेगेन्द्रराज शर्मा पौड्यालले आगामी निर्वाचनलाई ध्यानमा राखेर सरकारले सवारीसाधन, टेलिफोन, विद्युत्, एम्बुलेन्स, हेलिकोप्टर नियमित र सुव्यवस्थित गर्न तथा आममतदाता, कर्मचारी र उम्मेदवारलाई सुरक्षाको प्रत्याभूति दिलाउन आवश्यक छ भन्नुभयो ।
आयोगका सहसचिव एवम् प्रवक्ता नवराज ढकालले समग्र निर्वाचन प्रक्रिया र निर्वाचनका लागि भइरहेको तयारीका विविध पक्षबारे जानकारी दिनुभएको थियो । रासस
काठमाडौं : राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टी र सरकारबीच कुनै पनि प्रकारको विवाद वा समस्या नरहेको स्पष्ट...
जनकपुरधाम । मधेश प्रदेशका मुख्यमन्त्री कृष्णप्रसाद यादवले आज प्रदेशसभाबाट विश्वासको मत लिने भएका छन्। मुख्यमन्त्री यादवले विश्वासको मत लिने प्रयोजनका...
काठमाडौं । सर्वोच्च अदालतका चार नवनियुक्त न्यायाधीशले शुक्रबार पद तथा गोपनीयताको शपथ लिएका छन् । राष्ट्रपति रामचन्द्र पौडेलले शुक्रबार नै...
