चुनावका लागि नेविसंघको ‘एक बुथ, ५० युथ’ अभियान

नयाँ विकल्प
प्रकाशित मिती: २०७४ कार्तिक २३, १०: ३२

काठमाडौं । नेपाली कांग्रेसको भातृ संगठन (नेविसंघ) ले आसन्न प्रदेश र प्रतिनिधिसभाको निर्वाचनलाई लक्षित गरेर ‘एक बुथ, ५० युथ अभियान’ सुरु गरेको छ । वाम गठबन्धन ‘अधिनायकवाद लाद्ने प्रपञ्च’ भएको ठहर गर्दै नेविसंघले कांग्रेसको पक्षमा जनलहर सिर्जना गर्न अभियान थालेको हो ।

अभियानअन्तरगत हरेक जिल्लाबाट केन्द्रीय समितिमा प्रतिनिधित्व गर्ने पदाधिकारीलाई खटाइएको छ । ‘केन्द्रीय समितिमा प्रतिनिधित्व नभएका ८ जिल्लामा सम्बन्धित प्रदेश उपाध्यक्ष र सह–महामन्त्रीलाई संयुक्त रुपमा खटाइएको छ । उनीहरुले सम्बन्धित क्षेत्रका उम्मेदवारसँगको समन्वयमा प्रचारप्रसार अभियानसहित अन्य चुनावी गतिविधि सञ्चालन गर्नेछन् भने हरेक शनिबार पार्टीमा त्यसको प्रतिवेदन बुझाउने छन् । साथै, नेविसंघले चुनावका वेला हुन सक्ने सम्भावित उछृङ्खल गतिविधिलाई रोक्न प्रत्येक निर्वाचन बुथमा ५० जना युवालाई स्वयंसेवकको रुपमा खटाउने उपाध्यक्ष प्रकाश रानाले बताए ।

नेपाल विद्यार्थी संघ जस्तै नेपाल तरुण दलले पनि नेपाली कांग्रेसको चुनावी अभियानमा तरुणहरु खटाउने तयारी गरेको छ । तरुण दलले दुई बामपन्थी पार्टी मिलेको र एमाले निकट युवा र माओवादी निकट वाइसिएलका अराजक गतिविधी नियन्त्रणका लागि रणनीति सहित कार्यकर्ता परिचालनको तयारीमा लागेको छ । त्यसैगरि नेपाल महिला संघले पनि आफ्नो चुनावी तयारी थालेको छ । महिला संघले “टोल टोलमा महिला” भन्ने अभियानका साथ अभियान संचालनको तयारीमा लागेको छ । तरुण दल, महिला संघ तथा नेपाल बिद्यार्थी संघका कोहि पनि पदाधिकारीहरु चुनावी मैदानमा नलागी पाटी जिताउनका लागि लागेका छन् ।

सम्बन्धित समाचार

शीर्ष नेताको घर घर गइसकें, तर उहाँहरुले मेरो घर देख्नुभएको छैन : सभापति थापा

२०७४ कार्तिक २३, १०: ३२

काठमाडौं : नेपाली कांग्रेसको क्रियाशील सदस्यता अद्यावधिक र नयाँ क्रियाशील सदस्यता वितरणको समयसीमा नजिकिँदै गर्दा नेपाली कांग्रेसले आन्तरिक छलफल गर्दै...

झापाको कजुवे–रातेखालमा तत्काल पुल बनाउन सांसद इन्दिरा राना मगरको माग

२०७४ कार्तिक २३, १०: ३२

काठमाडौं । राष्ट्रिय स्वतन्त्र पार्टी (रास्वपा) की सांसद इन्दिरा राना मगरले झापाको कजुवे–रातेखाल क्षेत्रमा पुल निर्माणमा भएको ढिलाइका कारण स्थानीयवासी,...