च्छिइ प्यद्वःत्या गाडी दुर्घटना, मोटरसाइकल अप्वः जोखिमय्

नयाँ विकल्प संवाददाता
प्रकाशित मिती: २०८१ फाल्गुन ५, २१: २६

येँ : वंगु माघय् सवारी साधनया दुर्घटना अप्वल । नेपाल प्रहरी प्रधान ज्याकूया कथं माघय् जक हे प्यद्वः व न्यासः व ३५ गः सवारी साधन दुर्घटनाय् लात । मुक्कं निद्वः व ९०६ दुर्घटनाय् थुलि यक्वः सवारी साधन लाःगु खः । दुर्घटनाय् लानाः १९९ म्ह सीत ।

दुर्घटनाय् दकसिबे अप्वः मोटरसाइकल लाःगु केन्द्रीय प्रहरी प्रवक्ता, प्रहरी नायब महानिरीक्षक दिनेशरकुमार आचार्यं धयादिल । वय्कःया कथं लच्छिइ मुक्कं दुर्घटनाय् लाःगु सवारी साधनय् मोटरसाइकल जक हे निद्वः व ४७४ दु । थ्व मुक्कं दुर्घटनाया ५४.५५ प्रतिशत खः ।

व धुंकाः जिप, कार व भ्यान, माइक्रो २१.२१ प्रतिशत दुर्घटना जूगु दु । मेमेगु सवारीइ बस ५.५३, ट्रक/ट्याङ्कर ६.२, ट्र्याक्टर २.३६ प्रतिशत व टेम्पो ५.१८ प्रतिशत दुर्घटना लाःगु खः । डोजर, लोडरलिसेंया सवारी साधन नं दुर्घटनाय् लाःगु दु ।

दुर्घटनाया हुनिं

यक्वः धइथें दुर्घटना तःगतिइ सवारी चले याइगु हुनिं जूगु नं प्रहरी प्रधान कार्यालयं याःगु विश्लेषणं क्यनाच्वंगु दु । चालकया लापरबाहीं यानाः द्वःछि व १७९ दुर्घटना जूगु दु । वयां लिपा मादक पदार्थ सेवनया हुनिं दुर्घटना जूगु खनेदु । लँ जुवात लँय् जुइबलय् होस तये मफयाः नं दुर्घटना जूगु दु । मापसेया हुनिं २०४ क्वःं दुर्घटना जूगु दु ।

१९९ म्ह सीत

थुपिं दुर्घटनाय् १९९ म्ह सीगु धकाः प्रहरीं धाःगु दु । सीपिंमध्ये १४७ म्ह मिजं, ३९ म्ह मिसा, ११ म्ह मिजं मचा व २ म्ह मिसा मचा लाःगु दु । अथे हे, थुपि दुर्घटनाय् ५६० म्ह तच्वतं घाःपाः व स्वद्वः व ३५१ म्ह सामान्य घाःपाः जूगु प्रहरीं धाःगु दु ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ फाल्गुन ५, २१: २६

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...