न्हापांम्ह मिसा शाक्यया आत्मकथा ‘करुणा’ लोर्कापण

नयाँ विकल्प संवाददाता
प्रकाशित मिती: २०८१ फाल्गुन १०, २०: ११

येँ : न्हापांम्ह मिसा राधिका शाक्यया आत्मकथा ‘करुणा’ लोकार्पण जूगु दु । थौं थन ग्वसाःग्वःगु छगू समारोहय् प्रधानमन्त्री केपी शर्मा ओलीया मू पाहाँसुइ च्वमि शाक्य, नेकपा (एमाले) या उपसचिव प्रदीप ज्ञवाली, साहित्यकार अमर न्यौपाने व बौद्ध भिक्षुणी नापं म्ये हालामि आनी छोइङ डोल्मां उगु सफू लोर्कापण यानादीगु खः ।

प्रधानमन्त्री ओली व जहान शाक्यया ३७ क्वःगु इहिपाया दिंया लसताय् थौं प्रर्दशनीमार्गय् च्वंगु राष्ट्रियसभागृहया हलय् उगु सफू लोर्कापण याःगु खः । पाणिनी बुक्स प्रालिं पिकाःगु उगु सफूया लोर्कापण समारोहय् मन्त्रीत नापं उच्च पदस्थ व्यक्तित्वतय्सं ब्वति काःगु खः ।

च्वमि शाक्यं थःगु आत्मकथा दुने थःगु दृष्टि, भोगाई व अनुभूतिलिसें प्रधानमन्त्री ओलीया सङ्घर्ष, कठिनाई, सफलता व समाजसेवाया विषयत कःघाना धकाः धयादिल । सफुती शाक्यया बाल्यकाल, पढाइ, जागिर व जीवनया थी थी थथ्याःक्वथ्याःत नापं नेकपा (एमाले)या उबलय्या नेता ओलीलिसे इहिपा यायेधुंकाःया बिस्कंगु यात्रातबारे खँ न्ह्यथनातःगु दु ।

“न जि साहित्यकार, न च्वमि हे खः । अथेसां नुगलय् लूगु थःगु बिचाःत गबलेंगबलें च्वयेगु याना । उकियात हे संग्रह यानाः थौं सफूकथं हयेफूगु दु”, शाक्यं धयादिल, “जि मचाबलय्निसें हे गरिब, दुःखी, ल्वगि असहायत खनीबलय् चिन्तित जुइगु । जिं प्रधानमन्त्री ओली, उबलय्या केपीलिसेया इहिपा नं व हे करुणां यानागु खः ।”

प्रधानमन्त्री ओली व धर्मपत्नी शाक्यदथुइ २०४४ सालय् थौंया हे न्हुकुन्हु इहिपा जूगु खः । उगु झ्वलय् पाणिनी बुक्स प्रालिं अभिनन्दन पौ नं लःल्हाःगु खः ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ फाल्गुन १०, २०: ११

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...