- अनामनगर काठमाडौँ
- infobikalpa21@gmail.com
येँ : परराष्ट्रमन्त्री डा आरजु राणा देउवां संयुक्त राष्ट्रसङ्घीय मानवअधिकार उच्च आयुक्त भल्कर टकलिसे जेनेभाय् नाप लानादीगु दु । संयुक्त राष्ट्रसङ्घीय मानवअधिकार परिषद्या ५८ क्वःगु उच्चस्तरीय सत्रय् ब्वति कायेत जेनेभाय् झायादीम्ह मन्त्री डा देउवां बुधबाः साइडलाइन नाप लानादीगु खः ।
नाप लायेगु झ्वलय् परराष्ट्रमन्त्री डा देउवां नेपाः मानवअधिकारया संरक्षण व प्रवद्र्धनय् हलिंया हे दसूकथं लिसें लँपु क्यनीगु देय्कथं जूगु धयादिसें सीमित स्रोत व साधन दःसां नं मानवअधिकारया रक्षा व प्रवद्र्धनय् नेपाल प्रतिबद्ध जुयावयाच्वंगु धयादिल । वय्कलं नेपाःया आःया संविधानं नागरिक स्वतन्त्रता नापनापं नागरिकया राजनीतिक, आर्थिक, सामाजिक व सांस्कृतिक अधिकारतय्त मौलिक अधिकारया कथं व्यवस्था याःगु खँ कनादिसें नेपाल सरकार लोकतान्त्रिक मूल्य मान्यता, कानुनी शासन व न्यायपालिकाया स्वतन्त्रताप्रति पूवंक प्रतिबद्ध जूगु ध्वाथुइकादिल ।
मन्त्री डा देउवां शान्ति प्रक्रियाया ल्यंदूगु ज्या पूवंकेत सङ्क्रमणकालीन न्यायसम्बन्धी कानुनया निर्माण यानाः नेपाल सरकार तदारुकता जुयाः न्ह्याःवनाच्वंगु खँ कनादिसें सङ्क्रमणकालीन न्याययात याकनं क्वचायेकेगु प्रतिबद्धता नं प्वंकादिल ।
उगु ज्याझ्वलय् परराष्ट्र मन्त्रालयया संयुक्त राष्ट्रसङ्घ महाशाखा प्रमुख कृष्णप्रसाद ढकाल, जेनेभाय् च्वंगु संयुक्त राष्ट्रसङ्घीय नेपाली स्थायी प्रतिनिधि रामप्रसाद सुवेदी, प्रधानमन्त्री नापं मन्त्रिपरिषद्या ज्याकुथि मानवअधिकार नापं अन्तरराष्ट्रिय सन्धि सम्झौता महाशाखा प्रमुख राजेन्द्र थापालिसें नं च्वनादीगु खः ।
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
काठमाडौँ : सरकारले दोस्रो चरणअन्तर्गत काठमाडौँ उपत्यकाका बागमती तथा सहायक नदी किनारमा रहेका सुकुमबासीमा डोजर चलाउन थालेको छ । अहिले...
