भुखाय् लिपाया पुर्ननिर्माणं आः तःगति काइ : गृहमन्त्री लेखक

नयाँ विकल्प संवाददाता
प्रकाशित मिती: २०८१ फाल्गुन १५, २०: ५८

येँ : गृहमन्त्री रमेश लेखकं भुखाय्लिपाया क्षति आँकलन, पुनःनिर्माण व पुनःस्थापनायात तःगति बिइगु धयादीगु दु ।

सिंहदरबारय् थौं च्वंगु विपद् जोखिम न्यूनीकरण नापं व्यवस्थापन कार्यकारी समितिया २९ क्वःगु बैठकय् गृहमन्त्री लेखकं जाजरकोट, डोटी व बझाङय् भुखाय्लिपाया क्षतिया आँकलन, पुनःनिर्माण व पुनःस्थापनायात सरकारं तःगति बियाः न्ह्याकूगु धयादिल । भुखाय्लिपाया पुनःनिर्माण नापं पुर्नस्थापनाया निंतिं जाजरकोट, डोटी व बझाङय् पुर्ननिर्माण नापं पुनःस्थापना आयोजना कार्यान्वयन इकाइया ज्याकुथि उलेज्या यायेगु तयारी याःगु वय्कलं कनादिल ।

“जिमिसं वंगु खुला दुने चकंक क्षति आँकलन व नीजि छेँया पुनःनिर्माण नापं पुनःस्थापना यायेत आवश्यक मापदण्ड दयेकेगु, नियमावली दयेकेगु व बजेट व्यवस्थापनया ज्या यानागु दु”, गृहमन्त्री लेखकं धयादिल, “अन केन्द्रबिन्दु जुयाः वंगु भुखाचं नीजि छेँय् जूगु क्षति आँकलन यायेगु ज्या न्ह्याकेधुंकूगु नापं पुनःनिर्माण व पुनःस्थापनाया ज्या न्ह्याःगु दु ।”

मन्त्रालयं थुगुने जाजरकोट व बझाङ केन्द्रविन्दु जुयाः वंगु भुखाय्लिपाया पुनःनिर्माणयात प्रभावकारी जुइक न्ह्याकेगु यानाः कार्ययोजना हःगु दु । गृहमन्त्री लेखकं वइगु वाय् बझाङ, डोटी व जाजरकोट वनाः पुनःनिर्माण नापं पुनःस्थापना आयोजना कार्यान्वयन इकाइया ज्याकुथि उलेज्याया नापं अनया अवस्थाबारे सिइकीगु गृहमन्त्रालयं धाःगु दु ।

सम्बन्धित समाचार

बुद्ध जयन्तीकै दिन भत्काइयो गुम्बा

२०८१ फाल्गुन १५, २०: ५८

काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...