काेराेना (काेभिड-१९) संक्रमण

मंगलबार देशभर ६ सय ३८ मा कोरोना संक्रमण, उपत्यकामा मात्र एक सय ३४ नयाँ संक्रमित थपिए

नयाँ विकल्प,

काठमाडाैं- काेराेन संक्रमितकाे सख्या राजधानी काठमाडाैंमा ह्वातै बढेकाे छ । काठमाडाैंमा मात्र मंगलबार एकसय १०, ललितपुरमा १६ तथा भक्तपुरमा ८ जना काेराेना संक्रमित फेला परेकाे स्वस्थ्य मन्त्रालयले जनाएकाे छ ।

देशका विभिन्न ठाउँमा ६ सय ३८ जना कोरोनाका संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ६ सय ३८ जना संक्रमित थपिएका हुन्। स्वास्थ्य मन्त्रालयका प्रवक्ता डा. जागेश्वर गौतमले संक्रमितको संख्या २३ हजार ९ सय ४८ पुगेको बताए।

२४ घण्टामा विभिन्न अस्पतालबाट १ सय ७१ जना संक्रमित कोरोनाबाट मुक्त भएर घर फर्किएका छन् । यीसहित हालसम्म १६ हजार ६ सय ६४ जना कोरोनाबाट निको भएका छन्।

विगत २४ घण्टामा १० हजार ४ सय ६२ को पिसिआर परीक्षण भएको छ। हालसम्म ४ लाख ६२ हजार बढीको पिसिआर परीक्षण भएको छ।

मन्त्रालयका अनुसार मंगलबार सम्म कोरोनाका संक्रिय संक्रमितको संख्या ७ हजार २ सय १ छ भने काेराेनाकाे संक्रमणका कारण ८३ जनाको कोरोना मृत्यु भएको स्वास्थ्य मन्त्रालयले जनाएकाे छ । मंगलबार उपत्यकामा मात्र एक सय ३४ जना नयाँ संक्रमित थपिएका छन् ।