नयाँविकल्प
काठमाडौ– लामो समयपछि सोमबार बसेको नेकपा सचिवालयको बैठकको दृष्य अलि फरक देखिएको थियो। आफुभन्दा बाँयातिर बसेका अर्का अध्यक्ष प्रचण्ढलाई प्रधानमन्त्री ओलीले टाउको हल्लाउदै बैठक शुरू गर्न अर्का अध्यक्ष प्रचण्डलाई इसारा गरे ।

त्यो लगतै अध्यक्ष प्रचण्डले पार्टीभित्रको विवाद समाधान गर्न छ सदस्य कार्यदल गठन भएकोले त्यसको अनमोदनका लागि जानकारी गराउछु भन्दै प्रस्ताव राखे।
प्रधानमन्त्री ओलीका सामुन्ने बसेका वरिष्ठ नेता माधव नेपाल कडकिए ‘के को जानकारी, कता तयार भएको यस्तो प्रस्ताव ?’ नेपालसगै बसेका उपाध्यक्ष वामदेव गौतम जवाफमा कड्किए‘ द्ई अध्यक्षले सहमति गरेर पेश गरेको प्रस्तावमा के को आपति ? सधैँ निहु खोज्ने, खोर्चे थाप्ने ?’
त्यस लगतै नेपाल कड्किए‘ त्यसो भए घरबाट दुई अध्यक्षले पार्टी चलाए भो नि, केही समय पहिला पनि यसैगरी चलाएको हो ।’
नेपाल गौतमबीच यसरी चर्काचर्की भईरहदा यस अघि ओली –प्रचण्डसंग असन्तुष्ट भएका नारायाणकाजी श्रेष्ठ भने मुस्कुराई रहे ।
झलाथ खनाल भने मौन रहे। अन्तिममा महासचिव विष्णु पौडेलले कार्यदल अनुमोदन भएको माईन्युट लेखे।
बैठकबाट बाहिरिदै प्रवक्ता समेत रहेका श्रेष्ठले औपचारिक प्रतिक्रिया दिए। उनले भने ‘ सचिवालय बैठकले कार्यदल अनुमोदन गरेको छ ।’
के गर्ला कार्यदलले अब ?
कार्यदलल गठन गर्दा समेत नेपाल पक्षलाई कर्नर पार्न खोजिएको थियो। नेपालले स्थायी समिति सदस्य रघुजी पन्त र भीम रावलको नाम प्रस्तावित गरेका थिए।
ओली प्रचण्डवीच सुरेन्द्र पाण्डे र भीम रावललाई कार्यदलमा राख्ने सहमति भयो। यसप्रति नेपाल शसंकित हुँदै आएका थिए।
स्रोतका अनुसार अहिले गठन भएको कार्यदलले प्रधानमन्त्री ओली र प्रचण्डको पक्षमा प्रतिवेदन तयार गर्ने अनुमान गरिएको छ। त्यसमा केही मन्त्री हेरफेरमा पर्ने संभावना छ। रावल र पाण्डे कार्यदलमा भए पनि नेपालको पक्षमा प्रतिवेदन नआउने निश्चित जस्तै छ ।
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...
काठमाडौँ । कार्तिक शुक्ल एकादशीका अवसरमा आज तुलसीको पूजा आराधना गरी हरिबोधिनी एकादशी पर्व मनाइँदैछ । यस दिन तुलसी र...
काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...