कार्यकारी संयन्त्रको असफलताले नेपाल विकासमा पछाडि पर्‍यो : जनार्दन शर्मा – Naya Bikalpa
November 21, 2026, Saturday      Epaper

कार्यकारी संयन्त्रको असफलताले नेपाल विकासमा पछाडि पर्‍यो : जनार्दन शर्मा

काठमाडौं । नेकपा (माओवादी केन्द्र) का उपमहासचिव एवम पूर्वमन्त्री जनार्दन शर्माले भ्रष्टाचार मुक्त जनउत्तरदायी प्रशासनसहितको दिगो नेतृत्वको सत्ता आवश्यकता रहेको बताएका छन् ।वर्तमान राजनीतिक समस्या र समाधान विषयक अन्तरक्रियामा बोल्दै उनले विगतमा सुशासन र भ्रष्टाचारबारे धेरै बोल्ने गरेको भएपनि थोरै पनि लागू गर्न नसकेको बताएका हुन् ।

शुक्रबार काठमाडौंमा आयोजित वर्तमान राजनीतिक समस्या र समाधानसम्बन्धी अन्तरक्रिया कार्यक्रममा बोल्दै उपमहासचिव शर्माले विकास र समृद्धि मुलुकको कार्यकारी संस्थाहरूको प्रभावकारीता र कार्यान्वयन क्षमतामा निर्भर रहने भएपनि नेपालका संयन्त्रहरू क्रियाशील हुन नसकेको बताए ।

साथै उनले नेपालको आजसम्मको असफल विकास यात्राको सबैभन्दा ठूलो कारक तत्वको रुपमा कार्यकारी संयन्त्र अन्तरगतका संस्था र  संस्थागत संरचना भएको बताए । उनले नेपाल एक असफल राष्ट्र भएको बताउँदै जनताको निराशा र आक्रोश चुलिँदै गएको बताए ।

नेपालको विकास र समृद्धिका लागि गेम चेन्जर आयोजनाको रुपमा हेरिएका कर्णालीको चिसापानी आयोजना, निजगढ दोस्रो अन्तर्राष्ट्रिय विमानस्थल र हुलाकी राजमार्ग दशकौंसम्म पनि सम्पन्न नहुनु देशको कार्यकारी संरचनाको असफलता भएको शर्माको भनाइ रहेको छ ।

संविधान संशोधन कार्यान्वयनमार्फत मुलुकको व्यवस्थापिका, न्यायपालिका र कार्यपालिकाका कामकारबाहीलाई जनताको अधिकारमा प्राप्तिमा केन्द्रित गर्नुपर्नेमा उनको जोड छ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८२ जेष्ठ ९, १८: ०५

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८२ जेष्ठ ९, १८: ०५

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८२ जेष्ठ ९, १८: ०५

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...