- अनामनगर काठमाडौँ
- infobikalpa21@gmail.com
येँ : राष्ट्रिय समाचार समिति (रासस)या कार्यकारी अध्यक्ष धर्मेन्द्र झां नेपाःया पर्वतीय सम्पदाया महत्वयात नेपाली जनतातक थ्यंकेमाः धयादीगु दु ।
गणतन्त्र दिवस, २०८२ या लसताय् राष्ट्रिय समाचार समिति (राससं) ग्वसाःग्वःगु ‘पर्वतीय पर्यटन : झीगु शान, झीगु म्हसीका’ शीर्षकया किपा ब्वज्याया उलेज्या ज्याझ्वलय् न्वचू बियादिसें कार्यकारी अध्यक्ष झां देवभूमिनापं जूगु हिमालयया संरक्षण व प्रवद्र्धननापं थुकिया महत्वयात हरेक नेपाःमिया छेँय् थ्यंकेमाः धयादिल । वय्कलं नेपाःया अमूल्य निधि व सम्पदाया कथं दयाच्वंगु राससपाखें न्ह्यब्वःगु किपायात राष्ट्रिय व अन्तरराष्ट्रिकरण यायेमाः धकाः धयादिल ।
वय्कलं धयादिल, “नेपाःया अमूल्य निधिया कथं दयाच्वंगु झीगु हिमालया बारे सकल नेपाःमितय्त ध्वाथुइकेमाः । सकल नेपाःमितय्सं गौरब यायेफइगु वातावरण तयार यायेत सरकारया ध्यान वनेमाः । मधेस, पहाड व हिमालया फुक्कं नेपाःमितय्सं झीगु हिमालया बारे प्रष्ट खँ थुइकेमाः, थुजागु वातावरण सृजना यायेफसा जक गणतन्त्रया सार्थकता पिब्वये फइ ।”
कार्यकारी अध्यक्ष झां “झीगु हिमाल, पर्वत जीवन खः । राष्ट्रया निधि खः । झीसं थुकिया संरक्षण गुलि यायेपूm, झीगु तःआयु व समृद्धि उकिस भर दइ”, वय्कलं धयादिल, “आध्यात्मिक साहित्यं पर्वतयात महत्वपूर्ण सम्पदाया कथं चित्रण याःगु दु । द्यःपिनिगु बाय् दूगु बांलागु व ज्वःमलागु भूमिनाप स्वानाच्वंगु पर्वतीय सम्पदा व तजिलजिया संरक्षण व संवद्र्धन यायेमाःगु दु ।”
वय्कलं किपा ब्वज्यापाखें राससं याःगु सृजनात्मक पहलयात सरकारं सम्पत्तिया कथं ग्रहण यानाः थुकिया महत्व व गरिमाया प्रवद्र्धनय् ध्यान बिइमाःगु खँ ल्ह्वनादिल ।
राससं किपा ब्वज्यापाखें सरकारं काःगु नीति व दृष्टिकोणयात पालना यायेगु व थुकिया प्रभावकारिताया निंतिं पहल यानावयागु वय्कःया धापू दु ।
राससया महाप्रबन्धक सिद्धराज राई नकतिनि येँय् क्वचाःगु अन्तरराष्ट्रियस्तरया ‘सगरमाथा संवाद’ स्वानाः नेपाःया पर्वतीय पर्यटनयात तिबः बिइगु व जलवायु ह्यूपाःया मुद्दायात पिब्वयेत ग्वाहालि यायेगु तातुनाः गणतन्त्र दिवसया सन्दर्भय् ‘पर्वतीय पर्यटन ः झीगु शान, झीगु म्हसीका’ शीर्षकय् किपा ब्वज्या यानागु धयादिल ।
वय्कलं हिमालयात ब्रान्डिङ यायेगु व वातावरणमैत्री पूर्वाधार निर्माणया पक्षय् सरोकार दूपिं सकसिया दथुइ माःगु समन्वयलिसें ग्वाहालि व मंकाःज्या जुइमाःगु खँय् बः बियादिल ।
गोरखापत्र संस्थानया महाप्रबन्धक लालबहादुर ऐरीं पर्वतीय पर्यटनय् लिधनाच्वंगु किपा ब्वज्यां जलवायु ह्यूपाःया मारय् लानाच्वंगु नेपाःया हिमाल व थुकिया संरक्षण प्रवद्र्धनय् ग्वाहालि याइगु बिचाः प्वंकादिल ।
थ्वहे जेठ ३० गतेतक न्ह्याइगु रासस किपा ब्वज्याय् नेपाःया च्याद्वः मिटरसिबें तजाःगु हिमाल, चर्चाय् मवयाच्वंगु छुं महत्वपूर्ण हिमाल, थीथी हिमश्रृङ्खला, महत्वपूर्ण पर्यटकीयस्थलत लिसें दुथ्याकाः १००पाः किपा ब्वयातःगु दु ।
राससकःमि रोशा बस्नेतयात हन
उगु ज्याझ्वलय् राससया अङ्ग्रेजी शाखाया सम्पादक लिसें सगरमाथा आरोही रोशा बस्नेतयात हंगु दु । वय्कःयात सञ्चार लिसें सुचं प्रविधिमन्त्री पृथ्वीसुब्बा गुरुङ व संस्कृति, पर्यटन लिसें नागरिक उड्डयनमन्त्री बद्रीप्रसाद पाण्डें खाडा क्वखायेकाः हनादिल । बस्नेतं सन् २०१८ या वसन्त ऋतुया ‘न्हापांगु मिसा पत्रकार सगरमाथा आरोहण दल’य् दुथ्यानाः सगरमाथाया ताःलाक्क आरोहण यानादीगु खः ।
काठमाडौं : खोला किनारका अव्यवस्थित बस्ती हटाउने सरकारी अभियानअन्तर्गत शुक्रबार बिहान बल्खु–टेकु आसपासका क्षेत्रमा डोजर चलाइएको छ । सोही क्रममा बल्खुस्थित साङ्गे...
काठमाडौंः स्थानीय बजारमा आज सुनचाँदीकोे मूल्य बढेको छ । सुन प्रतितोला रु तीन हजार ४०० र चाँदी रु १३५ ले...
काठमाडौँ : सरकारले दोस्रो चरणअन्तर्गत काठमाडौँ उपत्यकाका बागमती तथा सहायक नदी किनारमा रहेका सुकुमबासीमा डोजर चलाउन थालेको छ । अहिले...
