स्वतन्त्र उर्जा उत्पादक संघ (इप्पान)मा आचार्यको नेतृत्वमा नयाँ कार्यसमिति – Naya Bikalpa
November 20, 2026, Friday      Epaper

स्वतन्त्र उर्जा उत्पादक संघ (इप्पान)मा आचार्यको नेतृत्वमा नयाँ कार्यसमिति

नयाँ विकल्प,

काठमाडौं । स्वतन्त्र ऊर्जा उत्पादहरुको संस्था नेपाल (इप्पान)को नयाँ कार्यसमिति कृष्णप्रसाद आचार्यको अध्यक्षतामा सर्वसम्मतले चयन भएको छ ।

झण्डै डेढ महिनाअघि तोकिएको इप्पानको नयाँ कार्यसमिति चयनको निर्वाचन कार्यतालिका जिल्ला प्रशासन कार्यालय काठमाडौंले कोभिड १९ संक्रमणको जोखिमलाई देखाउँदै स्थगित गराएको थियो ।

इप्पानको नयाँ नेतृत्व चयनको लागि दुई प्यानल भएर उर्जा उत्पादकहरु चुनावी प्रतिष्पर्धामा उत्रिएका थिए । उम्मेदवारी घोषणा र दर्ता भएर मतदानको स्थान र समय निर्धारण भएपछि नेतृत्व चयन प्रक्रिया नै स्थगित भएको थियो ।

अध्यक्ष कृष्णप्रसाद आचार्य

आइतबार दुवै प्यानलका उम्मेदवारहरुबीच भएको सहमति अनुसार आचार्य अध्यक्ष भएसँगै उनकै प्यानलका उपाध्यक्षका उम्मेदवारहरु आशिष गर्ग र गणेश कार्की तथा महासचिवका उम्मेदवार मोहनकुमार डाँगी उपाध्यक्ष भएका छन् ।

महासचिवमा सूर्यप्रसाद अधिकारीको प्यानलका महासचिवका उम्मेदवार गोरे शेर्पा महासचिव भए भने सचिवमा अधिकारी प्यानलका उपाध्यक्षका उम्मेदवार भरतबहादुर खत्री र उम्मेदवार नभएका बलराम खतिवडा तथा आचार्य प्यानलबाट सचिवकै उम्मेदवार भएका रामप्रसाद आचार्य सर्वसम्मतले चयन भएका छन् ।

उपाध्यक्ष गणेश कार्की

कोषाध्यक्षमा आचार्य प्यानलका आनन्द चौधरी र सदस्यहरुमा भरतकुमार खड्का र कविता पोखरेल चयन चयन भएका छन् ।

चार सदस्यमा अधिकारी प्यानलका उपाध्यक्षका उम्मेदवार उत्तम ब्लोन, सचिवका उम्मेदवार भरत लामिछाने थापा, प्रकाश दुलाल र सदस्यकी उम्मेदवार अभिज्ञा मल्ल सर्वसम्मतले छानिएका छन् ।

सर्वसम्मत हुने भएपछि आचार्य प्यानलबाट उपाध्यक्षमा उम्मेदवारी दिएका कुमार पाण्डे, सचिवका उम्मेदवार हिम पाठक, कोषाध्यक्षका उम्मेदवार सुधिरप्रसाद तिमिल्सिना र सदस्यहरु इन्दिरा पन्त, भरत कुमार खड्का र नरेन्द्रबल्लभ पन्त कार्यसमितिको कुनै पनि पदमा अटाएनन् ।

उपाध्यक्ष मोहनकुमार डाँगी

सम्बन्धित समाचार

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ भाद्र १, २३: ४९

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...

आजको मौसम : तराई र उपत्यकामा हुस्सु तथा कुहिरो लाग्ने
आजको मौसम : तराई र उपत्यकामा हुस्सु तथा कुहिरो लाग्ने
  • २०७७ भाद्र १, २३: ४९

काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ । महाशाखाका अनुसार देशको हिमाली...

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७७ भाद्र १, २३: ४९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...