कुलमानको अवकाश नजिकिदै गर्दा मुकेश प्रवृतिको त्रास ! – Naya Bikalpa
November 20, 2026, Friday      Epaper

कुलमानको अवकाश नजिकिदै गर्दा मुकेश प्रवृतिको त्रास !

नयाँ विकल्प
काठमाडौं– नेपाल विधुत प्राधिकरणका कार्यकारी प्रमुख कुलमान घिसिङको चार वर्षे कार्यकाल आगामी भदौ २९गते सकिदैछ ।

कुलमानले अवकाश पाउनै लाग्दा आमनागरिकका एउटा संसय पैदा भएको छ – कतै भोलिका दिनमा दैनिक १८ घण्टा लोडसेडिङ हुने त होइन् !

२०७३ भदौ २९ गते कुलमान नेपाल विधुत प्राधिकरणको कार्यकारी निर्देशकका रुपमा नियुक्त हुदैंगर्दा काठमाडौं उपत्यका लगायत अधिकांस स्थानमा दैनिक ८ घन्टा बढि लोडसेडिङ भैरहेको थियो ।

जिम्मेवारी सम्हालेसंगै कुलमान सहितको टिमले उर्जा ब्यावस्थापनमा अहोरात्र खटिएर काम गर्यो । फलस्वरुव तीन महिनापछि लोडसेडिङ अन्त्य भयो । गर्यो भने के संभव छैन् भन्ने एक गतिलो उदाहरण लोडसेडिङ अन्त्य र स्वयं कुलमान धिसिङ हाम्रै अगाडि छन् ।

कुलमानको यो प्रयासले अध्यारो प्रायः जस्तै हाम्रो घर आँगन उज्यालो मात्र भएन । गरिवी, वेथिति भ्रष्टचारबाट आक्रान्त बनेका आम जनतामा उर्जा भरेको छ । घिसिङको कार्यकाल सकिदै गर्दा आमनागरिकमा फेरि शंसय पैदा भएको छ – त्यो के भने लोडसेडिको अध्यारोमा ब्यापार र कमिसन लिन पल्केकाहरु यतिवेला टाउको उठाउन खोजेका छन् ।

नेपाल सरकारले चाहेमा घिसिङ अर्को ४ बर्ष कार्यकालमा बस्न सक्छन् । सरकारले जनताको आवज र भावना बुज्छ या तिनै कमिसनखोर ब्यापारी र जलविद्युत माफियाको चंगुलमा पर्छ, त्यो हेर्न भने बाँकी छ ।

पुनः लोडसेडिको त्रास

कुलमान घिसिङ कार्यकारी निर्देशक नियुक्तिहुनुपुर्व नेपालमा १८ घन्टासम्म लोडसेडिङ थियो । प्राधिकरणका तत्कालिन कार्यकारी निर्देशक मुकेश काफ्ले नेपालमा कृतिम लोडसेडिङ सिर्जना गरेर प्राधिकरण मार्फत सोलार प्लान्ट जोड्ने ठेक्का प्रक्रिया सुरु गरेका थिए ।

प्राधिकरणको टेण्डरमा १६ कम्पनीले आवेदन दिए । काफ्लेले आफ्नो सेटिङमा रहेको कम्पनीलाई छनौट गर्ने गरि दुई विदशी उर्जा विज्ञ टोली बनाएका थिए । सेटिङमा बनेको टोलिले सवैभन्दा कम लागतमा सोलार प्लान्ट तयार गर्ने कवुल गरेको डासेङ कासोर्टियम,पिङगाओ एण्ड हेरोन जेभी र चाइना त्रिउमफ इन्टरनेशनल इन्जिनियरिङलाई अयोग्य भन्दै आवेदन रद्ध गर्यो ।

काफ्लेको सेटिङमा रहेको चौथो नम्बरको राइजन इनर्जीसंग ठेक्का सम्झौता दिइयो । उक्त सेटिङबारे तत्कालिन माओवादी सरकारसम्म सूचना पुग्यो र अनियमितता बाहिर आएपछि राइजन इनर्जीसंग ठेक्का रद्ध गरे पनि काफ्लेको जागिर भने बचेन। काफ्ले जिम्मेवारीबाट हटाएपनि कुलमान घिसिङलाई असफल बनाउन निरन्तर रुपमा लागि रहे ।

कुलमानको अवकाशसंगै जलविधुत माफियाहरुले तिनै मुकेश वा त्यस्तै समुहलाई प्राधिकरणमा छिराउने र पुनः अध्यारोमा ब्यापार गर्ने दाउमा छन्।

कुलमानको कमाल
२०५१ मा सातौं तहको इन्जिनियरबाट नेपाल विद्युत प्राधिकरणमा प्रवेश गरेका घिसिङ २०७३ भदौ २९ गते प्राधिकरणको कार्यकारी निर्देशकमा नियुक्त भएका थिए ।

चिलिमे जलविद्युत कम्पनीबाट प्राधिकरणको मुख्यालयमा तानिएका घिसिङलाई तत्कालिन उर्जा मन्त्री राधा ज्ञवालीले जिम्मेवारविहिन बनाएकी थिइन् । ज्ञवालीको पालमा उनै मुकेश काफ्लेले प्रधिकारणमा एक छत्र राज गरेका थिए ।

मन्त्री ज्ञवाली विवादमा परेर हटाईएपछि ऊर्जामन्त्री बनेका जनार्दन शर्माले घिसिङलाई प्राधिकरणमा ल्याएका थिए । घिसिङको नियुक्तिको विषयलाई लिएर प्राधिकरणमा संगठनहरुले आन्दोल गरे ।

मुकेश काफ्ले लगायतकाले प्राधिकरणमा घिसिङभन्दा माथिल्लो तहका कर्मचारीले उनको नेतृत्वलाइ बदर गर्न सर्वोच्च अदालतमा रिट समेत हाले । सर्वोच्चले घिसिङकै पक्षमा निर्णय सुनायो । घिसिङले जिम्मेवारी संम्हालेको दोस्रो महिनाबाट नेपालमा सधैका लागि लोडसेडिङको अन्त्य भयाे ।

आमनागरिकले उज्यालो नेपालका अभियन्ताको रुपमा कुलमानलाइ लिने गर्छन् । जिम्मेवारी सम्हालेको ४ वर्षमा व्यवसायिकरुपमा सफलता पाएकाे प्राधिकरणाले विद्युत उत्पादन बढाउने, चुहावट रोक्ने काममा सफलता पाएकाे छ ।

घिसिङले जिम्मेवारी सम्हाल्नु पूर्व घाटामा रहेको प्राधिकरणले लगातार नाफा गर्दै पछिल्लो बर्ष २०७६ ७७ मा मात्र ११ अर्व बढि मुनाफा गरेको छ । प्राधिकरण चुहावत रोकेर मात्र बार्षिक ८ अर्व वढि मुनाफ कमाउन थालेको छ ।

प्राधिकरणले यतिवेला झन्डै ९० प्रतिशत घरधुरीमा विध्युत पुर्याउन सफल भएको छ । काठमाडौं उपत्यका लगायत सहरी क्षेत्रमा भुमिगत विधुत प्रशारणको काम अडाढि बढाईएको छ । प्राधिकरणको हाल उत्पादन क्षमता चार हजार एक सय ६१ मेगावाट बराबर भएको छ ।

उक्त विधुत उत्पादन घिसिङ कार्यकारी प्रमुख भएपछि करिव ८७ प्रतिशतले भएको हाे ।
चार वर्षअघि भारतबाट ३५० मेगावाट मात्र विद्युत लिन सकिने प्रसारण लाइनकाे क्षमतालाइ बृद्धि गरेर १५ सय मेगावाटकाे निर्माण गरिएको छ । प्राधिकरणले भारतलाई नेपालमा उत्पादित विधुत बेच्नकालागि प्रशारण लाइन क्षमता बढाएको हो ।

चार वर्षअघि नेपालमा कुल ८०१.७ मेगावाट जलविद्युत उत्पादन भइरहेकोमा यतिवेला उत्पादन वृद्धि गरि १२५८.७ मेगावाट पुगेको छ । थप १०४ मेगावाटका जलविद्युत आयोजनाहरु निर्माणको अन्तिम चरणमा पुगेका छन् ।

भदौ २९ अघि दोस्रो कार्यकाल थपिएन भने कुलमानलाई सबैभन्दा बढी पछुतो, चार सय ५६ मेगावाटको माथिल्लो तामाकोशी जलविद्युत अायाेजनाकाे काम सकाउन नपाएको हुनेछ । उनले यो परियोजनालाई ‘गेमचेन्जर’ भन्दै आएका छन् ।

सम्बन्धित समाचार

What live casino games does Gransino offer?
  • २०७७ भाद्र ८, १७: ५७

Gransino puts live dealer tables next to a catalogue of 9,000 games and a sportsbook, so you can move between...

What should a beginner know before a first deposit at BetBlast?
  • २०७७ भाद्र ८, १७: ५७

Wondering what to sort out before you put money in? BetBlast is an online casino and sportsbook run by EOD...

How Do You Contact InstaSpin Customer Support and Fix Account Problems?
  • २०७७ भाद्र ८, १७: ५७

InstaSpin runs a casino and a sportsbook on one account with 3,793 games, and it takes Bitcoin, Ethereum, Tether, Visa,...